Psalmdi 47 - Khoekhoegowab 2020

ǀGapi ǂgaeǂguis

ǁNaeǃnans ǂgaeǂgui-aob ǃoa. Koraxi ôagu di Psalms

¹ ǃGâiaǂgaob ǀkha ǁam re hoa khoedo, Elob ǃoa ǃgari domgu ǀkha ǃgâiaǂgaob ǀkha ǂgaiǂui.

² ǃKhūb Hoan xa ǀGapiba ǃao re Gao-aob, hoaraga ǃhūbaiba ra gaoǂamma.

³ ǁÎb ge khoena sida ǃnaka ra ǃgamǃgam tsî ǁaede sida ǂaidi ǃnaka.

⁴ ǁÎb ge sida ǀumisa ra ǁhûiǂuiba da; Jakob di ǂkhaisib, ǁîbab kaise ǀnam hâba.

⁵ Elob ge dâb ǀkha ra ǃapa ǃKhūba, xâiǁnâs ǀōb ǀkha.

⁶ Koaǁnaeba re Eloba; koatsanade ǁnaeba re sada gao-aoba, koaǁnaeba bi re.

⁷ Elob ge hoaraga ǃhūbaib ǂama a gao-ao; psalms ǀkha koaǁnaeba bi re!

⁸ Elob ge hoaraga ǁaedi ǂama ra gaosîsen; Elob ge ǁîb di ǃanusib trons ai ǂnôa.

⁹ ǁAedi di gaoǀgôagu ge ǀhao hâ; Abrahammi Elob di ǁaesa. ǁKhaukhōdi ǃhūbaib didi a Elob di xuige, ǁîb ge a kai.