Psalmdi 43 - Khoekhoegowab 2020

ǃHūsabe-i di ǀgores

¹ Elotse, ǂhanu-aise ǀgoraǃgâ te, î ti ǁhōba ǂhanuoǃnâ ǃhaos ǃoagu ǂnoaba te re, ǀhôagaoǃnâ tsî ǂhanuoǃnâ khoena xu ore te re.

² Sats ge ǁnā Elots, ǁîts ǃoa ta ra ǁhaiǁhâtsa. Tare-i ǃaromats ge ǂhara te? Tare-i ǃaroma ta ǃoab ǃnâ nî hâ, khākhoeb xa ra ǁgâiǀāhese?

³ Sa ǃnâb tsî sa amab tsîkha sîǂui re, î kha tita ǂgaeǂgui, î kha sa ǃanusib ǃhommi tsî sa ǁanǃkhaib ǃoa ǂgaeǂguisī te.

⁴ O ta ge Elob di altars tawa nî sī, Elob dib a ti ǃgâiaǂgaoba xuige, tsî ta ge ti harps ǀkha ti Eloba nî gangan.

⁵ Tarexas kha ǃoa hâ ti ǀomse? Tarexas a sâoǃnâ? Elob ai ǂgomaiǂnûi re, ǁîba ta ge nî koa, huib âb ǃaroma.