Psalmdi 41 - Khoekhoegowab 2020

Khoe-i ga ǀaesen, o ra dīhe ǀgores

Davidi Psalms

¹ ǀKhaehen ge hâ ǁnān ǂkhabusana ra kōǀîna, ǃKhūb ge ǁîna tsūǀkhāb di tsēs ai ra ore.

² ǃKhūb ge ǁîna ǁkhaeba tsî nî sâu; ǁîna ǃhūb ǃnâ ǀkhae tsîb ge ǁîna khākhoen ǃomǁae māǁnâ tide.

³ ǃKhūb ge ǁîna ǀaekharob ân ai hui tsî ǀaeb âna xu nî ǂgauǂgau.

⁴ Tita ge “ǃKhūtse ǀkhomxa te re; ǂgauǂgau te re, sats ǃoagu ta ge ǁore xuige” ti ge mî.

⁵ Ti khākhoen ge tita xa ǂkhabase ra mî: “Mâǁaeb kha ǁîba ǁō tsîs ǀons âba nî kā?”

⁶ ǀKhī tsî ga kō te hā-i hoa-i ge harebeoǃnâ xūna ra ǃhoa, ǂgaob â-i mîǁgaiǁgais xa ra ǀoase, tsî i ge ǂoa tsî nēsa ǃauga sī ra ǂhôa.

⁷ Hoaraga khākhoen âtan ge ti ǃoagu ra ǀapeǀhao tsîn ge tsū xun ǀguina tita xa mûnanai tsî ra mî:

⁸ “Tsū ǀae-ai-i xab ge ǃkhōǃnamihe hâ, tātsēs tsînab ge nēb ǁgoe ǃkhaisa xu khâi tide.”

⁹ Ti ǀgū ǀhōsab, ǁîba ta ǂgomǃgâ hâb, ti pere-e tita ǀkha ra ǀgoragub tsîn ge ǃnôas âba ti ǃoagu ūkhâi hâ.

¹⁰ Xawe sats ǃKhūtsa ǀkhomxa te re; ūkhâi te, î ta ǁîna māda-am ǁkhā re.

¹¹ Tita ǀkhats ǂkhî ǃkhaisa ta ge a ǂan ti khākhoen ti ǂama dansa ūhâ tama xui-ao.

¹² Ti ǂhanu-aisib ǃnâts ge tita ǀgapise ūhâ tsî ǀamos kōse sa ǀgūhâsib ǃnâ ra mâi.

¹³ Koasas ǃKhūb, Israeli Elob di ǀamosiba xu ǀamosib kōse. Amen! Amen!