Psalmdi 4 - Khoekhoegowab 2020

Huib ǃaroma hâ ǃuiǀgores

Davidi Psalms

¹ ǂGai ta kao ǁnâu-am te re, ti ǂhanu-aisib di Elotse! ǂŌǂōsib ǃnâ ta ge hâ i, ots ge ge hui te. ǀKhomxa te, î ti ǀgoresa ǁnâu-am re.

² Khoedo, mâtikōse du kha ti ǂkhaisiba nî taotao? Mâs kōse du kha harebeoǃnân xūna ǀnam tsî ǂhumina nî sauruǃgon?

³ ǂAn re ǃKhūb ǂgomǂgomsana ǁîb dise ǁhûiǂuibasen hâ tsîb ǂgaiǀî bi ta ka, o ra ǁnâu-am te ǃkhaisa.

⁴ ǁAixats kao tā ǁore; î ǁgoeǃkhais âts ai nēs ǂama ǂgaob ǃnâ ǂâiǂâisen, î ǃnō.

⁵ ǂHanu ǁguibade ǃKhūba ǁguiba re, î ǁîba ǂgomǃgâ re.

⁶ ǂGuin ge hâ “ǃKhūtse ǃnāsa ǀkhaega mā da, î ǀkhomxase kōǀî da re” ti ra ǀgorena.

⁷ Titats mā hâ ǃgâiaǂgaob ge ǁîn nî hō ǃhorob tsî ǂauxûib tsîkha ǃgâ-ai nî ǃnāsa.

⁸ Nēsi ta ge ǁgoe tsî ǂkhîb ǃnâ nî ǁom; sats, ǃKhūts ǀguits ra ǃnorasase tsâ kai te amaga.