Psalmdi 37 - Khoekhoegowab 2020

Davidi Psalms

¹ Tā ǂkhabadī-aon ǂama ǂâiǂhansen tā tsūdī-aon ǃoagu surixa.

² ǃHaesen ǀgân khami ǂnâ; tsî ǀgâb di ǃammi khami nî kā xuige.

³ ǃKhūb ai ǂgomaiǂnûi î ǃgâise dī re; ǃhūb ǃnâ ǁan î ǃgâise ûi re.

⁴ ǃKhūb ǃnâ ǃgâiaǂgao re ob ge ǁîba sa ǂgaob di turaga nî mā tsi.

⁵ Sa daoba ǃKhūb ai ǂgomaiǂnûi ǁîba ǂgomǃgâ, dība tsib nî xuige.

⁶ ǁÎb ge sa ǂhanu-aisiba ǃnâb khami nî ǀkhī kai tsî ǂhanub âtsa tsēǃgâǁaeb khami.

⁷ ǃKhūba ǃnōba î, ǁîba ǃâu re Tā ǁnān hîa ûib ân ǃnâ ra aiǃgûn ǃoagu ǁaixa; ǁnān hîa tsū ǀapede ra dīn ǃoagu.

⁸ ǁAiba xu ūdabasen î ǁaixasiba ǁnāxū. Tā ǂâiǂhansen, ǂkhôab ǀguibas ǁnāsa ra hā-ū xuige.

⁹ Tsūdī-aon ge nî hîkākāhe; xawe ǁnān ǃKhūb ǃnâ ǃâubasensa ūhân ge ǃhūba nî ǀumi.

¹⁰ ǂKhari ǁaerob khaoǃgân ge ǂkhabana ǃaruǀî hâ tide. Tsîts ge ǂōrisase ǁîn hâǃkhais tawa nî kō, xawen ge nî ǀkhai.

¹¹ Xawe ǃgamǃgamsensan ge ǃhūba nî ǀumi, tsîn ge ǂkhîb di ǃnāǂamsasib ǃnâ nî ǃgâiaǂgao.

¹² ǂKhabab ge ǂhanu-aib ǃoagu ǀapeǀhao tsî ǁîb ǂama ra ǁaninǁgû.

¹³ ǃKhūb ge ǂkhababa ra âiǂui ǁîb tsēs ra hā ǃkhaisab ra mû xui-ao.

¹⁴ ǂKhaba khoen ge ǁîn gôaga ra ǂgaeǂui tsî khādi âna ra ǂgaeǃnâ, ǀgâsan tsî ǂhâb ǃnâ hâna nî ǁkhâuse, ǁnān ǂhanu-aina nî ǃgamse.

¹⁵ ǁÎn di gôab ge ǂgaob ân ǃnâ nî ǂgâ; tsî khādi ân ge nî khôahe.

¹⁶ ǂKhari-i, ǂhanu-ai khoe-i ūhâ-i ge a ǃgâi, ǃnāǂamsasib ǃnân ǂkhaba khoena ūhâ-i ǃgâ-ai.

¹⁷ ǂKhaba khoen di ǁôagu nî khôahe xaweb ǃKhūba ǂhanu-aina nî ǂkhâǃnâ xui-ao.

¹⁸ ǃKhūb ge ǀhapio khoen di tsēde a ǂan tsîs ge ǀumis âna ǀamose nî hâ.

¹⁹ ǁÎn ge tsūǃōb ǁaeb ǃnâ taotaohe tide tsîn ge ǃâtsūǀkhāb tsēdi ai nî ǁâǁâhe.

²⁰ ǂKhaba khoen ge nî kāǁō tsîn ge ǃKhūb khākhoena ǃû-aidi di ǂkhaisib khami ī, ǁîn ge ra kā, ǀanni khamin ge nî kā.

²¹ ǂKhaba khoen ge ra ǀkhupi, xawe matare-oa ǁoa; xawe ǂhanu-ai khoen ge ǀkhomxaǃnâ tsî a māǂgaoxa.

²² ǁNān ǃKhūb xa ǀkhaehe hân ge ǃhūba nî ǀumi; tsî ǁnān ǁîb xa ǀâxarehe hânab ge nî hîkākā.

²³ Khoe-i di dāǃharodi ge ǃKhūb xa ǃgaoǃgaohe hâ, ǁîb daob ǃnâb ga ǃgâiǃgâibasensa ūhâo.

²⁴ ǁNāti ī khoe-i ge ǁgoeǃari tama hâ, ǁnā-i kao; ǃKhūb ǁî-e ra ǂkhâǃnâ amaga.

²⁵ ǂKham ta ge ge i, tsî ta ge nēsi kaira hâ xawe ta ge ǂhanu-ain ge ǁnāǃgâhe hâ i tsē-i, tamas ka io ǁîn ôan ge pere-e ǂgan hâ i tsē-e a ǀū.

²⁶ Hoaǁaeb ge ǁîba māǂgaoxase ra ǀkhupi; tsîb ge ǁîb suriba ǀkhaeb ase ra ī.

²⁷ Dawasen ǂkhababa xu, î ǃgâiba dī î ǀamose ûi ǁkhā re.

²⁸ ǃKhūb ge ǂhanu-aisiba a ǀnam tsî ǁîb di ǂgomǂgomsa khoena ǁnāǃgâ tide. ǀAmosen ge ǁîna a sâusa, xawe ǂkhaba khoen di surib ge nî hîkākāhe.

²⁹ ǂHanu-ai khoen ge ǃhūba ǀumi tsî ǀamose ǁîb ǃnâ nî ǁan.

³⁰ ǂHanu-ai khoe-i ams ge gā-aisiba ra gowa tsî nammi â-i ge ǂhanu-aisiba ra ǃhoa.

³¹ ǁÎ-i Elob di ǂhanub ge ǂgaob â-i ai hâ tsî i ge ǁnobe tama hâ.

³² ǂKhaba khoe-i ge ǂhanu-ai-e ra ǃkhē ǁî-e nî ǃgamse.

³³ ǃKhūb ge ǁî-e ǂkhabadī-ao-i ǃomǁae māǁnâ tide, tsî ǁî-e ǁnâuǃgâhe-i kao, ǀgoraǃgâ tide.

³⁴ ǃKhūba ǂgomaiǂnûi î, ǁîb daogu ai ǃgû îb ǁîba ǃhūba du nî ǀumise ūkhâi du, o du ge eloxoresan di hîkākāhesa nî mû.

³⁵ Tita ge ǃnâudanaxa, ǂkhaba khoeb ǃam hais, ǁîs di ǂhunuma ǃhūb ǃnâ ǂgāhes hâs khami ra ǀomkhâiba ge mû.

³⁶ Tsî ǁkhawa ta ge ǁnāpa ǃkharu, o ta ge ǀkhaib a ǃkhaisa ge mû; ôa bi ta ge xaweb ge ge hōsa tama i.

³⁷ ǂNao-o khoeba sao re, î ǂhanu-aiba ǃgaoǃgâ Khoeb ǂkhîb dib ǃnâb ǃgoaxaǁaeba hâ xuige.

³⁸ ǃÛǂamaon ge hoatsama nî hîkākāhe ǂkhaba khoen di ǃgoaxaǁaeb ge nî ǃgaoǁnâhe.

³⁹ Tsîs ge ores ǂhanu-ai khoeb disa ǃKhūba xu hâ ǁîb ge a ǁîn di ǁhaiǁhâǃkhai, ǃgommi di ǁaeb ǃnâ.

⁴⁰ ǃKhūb ge ǁîna hui tsî ra ore; ǁînab ge ǂkhaba khoena xu ore tsî ǁîbǀîn ga ǁhaiǁhâ o ra sâu.