Psalmdi 36 - Khoekhoegowab 2020

Khoesi ǂkhabasib

Davidi, ǃKhūb ǃgāb di Psalms

¹ ǃÛǂams ge ǂkhaba khoen di ǂgaob ǃgamsib ǃnâ ra ǃhoa. Tsî i ge Eloba ǃao-i xare-e ǁîn mûǁae a ǀkhai.

² ǁÎ-aitsaman ǁîn xa ǀgapise ra ǂâi, ǂkhabasib âna ǂhaisa tsîn ǃhuihe tidese.

³ Ams ân ge ǂhumib tsî ǀhôagaoǃnâsib xa ǀoa hâ, ǁîn ge gā-aisis tsî ǃgâise dīsa ǀû hâ.

⁴ Kharob ân ǃnâs tsînan ge ǂkhababa ra ǀape. ǁÎn ge ǂhanu tama daob ǃnâ mâ, tsî tātsēs tsîna ǂkhababa ǂhara tama hâ.

Elob di ǃgâisib

⁵ ǃKhūtse, sa hâhâ ra ǀnammi ge ǀhomgu kōse ra sī; sa ǂgomǂgomsasib ge ǃâudi kōse ra sī.

⁶ Sa ǂhanu-aisib ge ǀgaisa ǃhomgu khami ī; sa ǂhanu-aisib ge ǃgam ǁgammi khami ī; tsî sats ǃKhūts ge khoesib, ǀgurun tsî xamarina ra sâu.

⁷ Mâtikōseb a ǃgomǀgausa sa hâhâ ra ǀnamma Elotse. Khoen ôan ge sa ǁgabogu ǃnaka ra ǁhaiǁhâ.

⁸ Sa ommi di ǃnāǂamsasib ǃnân ra ǃgâiǃgâisen tsîts ra ǁîna sa ǃāb, ǃgâiaǂgaob diba xu āsi.

⁹ Sats a ûib di ǀau tsî da sa ǃnâb ǃnâ ǃnâba ra mû xui-ao.

¹⁰ Sa hâhâ ra ǀnamma ǁnān sa ǃgaeǀhaosa ǂann ǃoa khoraǂui re tsî sa ǂhanu-aisiba ǁnān ǂgaogu ân ǃnâ ǂhauǃnân ǃoa.

¹¹ As ǂnīǂnīsens ǂaisa tā ti ǂama hā; îb ǂkhaba khoen di ǃomma tā tita saurubē.

¹² ǁNāpan ge ǂkhababa ra dīna ra ǁnā; ǁîn ge ra ǂnauǁguihe tsîn ge a khâi ǁoa.