Psalmdi 3 - Khoekhoegowab 2020

Huib ǃaroma hâ ǀgores

Davidi Psalms

¹ ǃKhūtse kaise ta ge ǂgui khākhoena ūhâ; ǂguin ân ge tita ǃoagu ra khâi!

² ǂGuin tita xa nēti ra mîna: “Elob ge ǁîba hui tide.”

³ Xawe sats, ǃKhūts ge hoaǁae ti ǁkhaukhō; sats ge a ti ǂkhaisi tsîts ge tita ra ǂnī kai.

⁴ Tita ge ǃKhūba huib ǃaroma ra ǂgaiǀî tsîb ge ǁîba ǁîb ǃanu ǃhomma xu ra ǃeream te.

⁵ ǁGoe tsî ta ge ra ǁom tsîb ge ǃKhūba hoa tsuxuba tita ra ǃûi.

⁶ Hoa ǀkhāga xu ra xāǂgā te ǀoadisidi di khākhoena ta ge ǃao tama hâ.

⁷ Hā re ǃKhūtse, ore te re ti Elotse! Sats ge ti khākhoen hoana ǃnanib ai ge ǂnau; tsî eloxoresan di ǁgûgats ge ge khôa.

⁸ Dans ge ǃKhūba xu hâ ab ǁîb khoena ǀkhae.