Psalmdi 29 - Khoekhoegowab 2020

ǃKhūb di dommi ǃgabigu ǁaegu

Davidi Psalms

¹ Kare re ǃKhūba, sadu ǀhomǁîdo ǁîb di ǂkhaisib tsî ǀgaiba koa re.

² ǃKhūb di ǂkhaisa ǀonsa koa re; ǃAnub aiǃâ ǀgoreǀî ǃanusib sarab ǃnâ.

³ ǃKhūb di dommi ge ǁgamgu ai ra ǁnâuhe, ǂkhaisib di Elob ge ra ǃguru tsîb ge ǃKhūba ǁgamgu ǂamai a kai.

⁴ Dommi ǃKhūb dib ge ǁîb di kaisib tsî ǂkhaisib hoab ǃnâ ra ǁnâuhe.

⁵ ǃKhūb di dommi ge sederhaide ra khôa, sederhaidi Libanonni dide.

⁶ ǁÎb ge Libanonni di ǃhomga tsâu-i khami gu nî ǂgamse ge dī, tsî Hermonǃhomma ǂkham ǁgōb khamib nî urise.

⁷ ǃKhūb di dommi ge ra napa kai.

⁸ ǃKhūb di dommi ge ǃgaroǃhūba ra ǀkhū kai; Kades di ǃgaroǃhūbab ge ra ǀkhūǀkhū.

⁹ ǃKhūb di dommi ge aikehaide ra ǀgabi, tsî ǂnarega haide xu ra ǀgabiǁnâ, hoaragan ǁîb Tempeli ǃnâ hân ra “ǂKhaisibab Elob di!” ti ǂgaiǂui hîa.

¹⁰ ǃKhūb ge ǁgamgu ǂama ra gaosîsen tsîb ge ǁîba ǀamose a gao-ao.

¹¹ ǃKhūb ge ǁîb khoena ǀgaiba mā tsî ǂkhîb ǀkha ra ǀkhae.