Psalmdi 24 - Khoekhoegowab 2020

Kai Gao-aob

Davidi Psalms

¹ ǃHūbaib tsî ǁîba ra ǀoaǀoan, ǃhūbaib tsî ǁîb ǃnâ hân hoan ge a ǃKhūb di.

² ǁÎb ge ǁîna hurigu ai ǃgaoǃgao tsî ǃāgu ai ge ǂnubi.

³ Tari-e ǃKhūb di ǃhommi ai nî ǃapa? Tari-e ǁîb di Tempeli ǃnâ nî ǂgâ ǁkhā?

⁴ ǁNān hîa ǀhapio ǃomgu tsî ǃanu ǂgaoba ūhân, tsî ǁgôa-elona ǃoaba tamas ka io ǂhumi mîmâide dī tamana.

⁵ ǃKhūb ge ǁîna ǀkhae tsî nî sâu; Elob ge ǁîna ǀhapion ase nî ǁapoǁapo.

⁶ ǁNātin ge Elob ǃoa ra hā khoen, Jakob Elob aiǃâ ra hāna ī.

⁷ Ūkhâi re danadi âso, ǂgâ-amso î ūkhâihe ǀamosib dao-amso, îb ǂkhaisib di gao-aoba ǂgâ ǁkhā.

⁸ Tariba kha nē ǂkhaisib di gao-aoba? ǃKhūb, ǀgaisa tsî ǁkhāb, ǃKhūb, ǃkhams ǃnâ a danaob ge.

⁹ Ūkhâi re danadi âso, ǂgâ-amso î ūkhâihe ǀamosib dao-amso, îb ǂkhaisib di gao-aoba ǂgâ ǁkhā.

¹⁰ Tariba kha nē ǂkhaisib di gao-aoba? ǃKhūb Hoaǀgaixab, ǁîb ge a ǂkhaisib di gao-ao!