Psalmdi 20 - Khoekhoegowab 2020

Dans di ǀgores

Davidi Psalms

¹ Ab ǃKhūba ǂōǂōsib tsēs ai ǁnâu-am tsi re! Ab Jakob Eloba sâu tsi!

² Ab ǁîb di Tempela xu ǃnâǃkhoe tsi tsî Sionǃhomma xu ǂkhâǃnâ tsi re.

³ Ab hoaraga ǁguibadi âtsa ūǃoa tsî hoaraga ǁguibadi âts ǀkha ǂkhîǂâixa.

⁴ Ab sa ǂgaob ra ǁkhorena mā tsi tsî ǀapedi âts ǃnâ ǃgâiǃgâxa kai tsi re.

⁵ Sida ge sa dans xa nî dâ tsî da ge sida Elob ǀonsa sa dans ǂama nî kare. Ab ǃKhūba sa ǁkhoregu hoaga dīǀoaǀoa.

⁶ Nēsi ta ge ǃKhūb ra ǁhûiǂuib hâ gao-aoba dansa mā ǃkhaisa a ǂan; ǁîb ge ǁîba ǃanu ǃhommi âba xu ǃeream tsî ǁîb ǀgaiba xu dansa ra mā.

⁷ ǀNîn ge torokunidi ân ai ra ǂgomaiǂnûi tsî ǀnîna ǁîn di hān ai, xawe sida ge sida ǃKhū tsî Elob di ǀgaib ai ra ǂgomaiǂnûi.

⁸ ǁNāti ī khoen ge ǃnôa tsî nî ǁnā xawe da ge sida khâi tsî ǁaposase nî mâ.

⁹ O ǃKhūtse gao-aoba dansa mā re; î ǂgai da kao ǁnâu da re.