Psalmdi 2 - Khoekhoegowab 2020

Elob di ǁhûiǂuisa gao-aob

¹ Tare-i ǃaroma di ǁaede ra ǀapeǀhao? Tare-i ǃaroma di ǃhaode harebeoǃnâ ǀapeǀhaode ra dī?

² ǃHūbaib di gao-aogu ge ra khâikhâisen tsî ǃhūbaib ǂgaeǂgui-aogu ge ra ǀapeǀhao, ǃKhūb tsî ǁîb di ǀnausabeb ǃoagu.

³ ǁÎgu ge “A ge ǁîkha di khedega xu ǃnoraǃnorasen tsî ǁîkha ǃgaeǃhâuga sage xu aoxū” ti ra mî.

⁴ ǁNāb ǀhommi ǃnâ ǂnôab ge ra âiǂui, ǃKhūb ge ǁîga ra ǃhō.

⁵ ǁNās khaoǃgâb ge ǁîb di ǁaixasib ǃnâ ǁîgu ǀkha ǃhoa, tsî ǁaib âb ǃnâ ǁîga ra ǃaoǃao.

⁶ Tsîb ge “Sionni, ti ǃanu ǃhommi ai ta ge ti gao-aoba ge ǀnau” ti ra mî.

⁷ Gao-aob ge ge mî: “Tita ge ǃKhūb ge mā mîmāsa nî ǂanǂan. ǁÎb ge tita ǃoa ge mî: ‘Sats ge a ti ôa; nētsē ta ge go sa î kai.

⁸ ǂGan re, o ta ge hoaraga ǁaede nî mā tsi; hoaraga ǃhūbaib ge nî sa.

⁹ ǁÎgats ge ǀurigaohaib ǀkha nî khôa; ǁîgats ge ǂgoasū-i khami ǃârodi ǃnâ nî ǂnauǃā.’ ”

¹⁰ ǁNā-amaga gao-aogo nē ǃkhâikhomsa ǃgâ; î gā-aise sîsen, ǃhūbaib di ǂgaeǂgui-aogo.

¹¹ ǃAoǃgâb ǀkha ǃKhūba ǃoaba

¹² î ǀkhūb ǀkha ǃgâiaǂgao. ǁNā tamas ka i, ob ge ǁîba ǃhaese nî ǁaixa tsî go ge ǃnapetamase nî ǁō. ǀKhaehen ge hâ ǁîb ǃoa ra ǁhaiǁhân hoana.