Psalmdi 149 - Khoekhoegowab 2020

Koatsanas

¹ Koa re ǃKhūba! ǀAsa am-e ǃKhūba ǁnaeba re; koa bi ǁîb ǂgomǂgomsan di ǀhûs ǃnâ!

² As Israelsa ǃgâiaǂgao, ǁîs Kuru-aob ǃnâ; an Sions ôana dâ ǁîn Gao-aob ǃnâ.

³ An ǁîb ǀonsa ǂnāb ǀkha koa, ǃkhomǃkharurus tsî harps ǀōb ǀkha.

⁴ ǃKhūb ge ǁaes âb ǃnâ ǃgâiǃgâibasensa ūhâ ǁîb ge ǃgamǃgamsen hâna dans ǀkha ra ani.

⁵ An ǁîb di ǂgomǂgomsana dâb xa urikhâi re kharogu ân ain ga ǁgoe xawe an dâ re.

⁶ As Elob di koasa domgu ân ǃnâ hâ; tsî hoaǀkhāǀā gôa-e ǁîn ǃomgu ǃnâ,

⁷ ǃhaodi ǃnâ ǀkhao tsî ǁaede nî ǁkharase.

⁸ Gao-aogu ânan nî khedegu ǀkha ǃgae tsî ǂnause tsî ǀgapiǃgôasaga, ǀuriǃgae-ūdan ǀkha.

⁹ Xoaǁguisa ǀgoraǃgâsa ǁîn ai nî sîsenǂuise. Nēs ge ǁîb di ǂgomǂgomsa ǃoaba-aona ǃgôasi-i ase ība. Koa re ǃKhūba!