Psalmdi 148 - Khoekhoegowab 2020

Kurusan ǃoa hâ ǂgaikhâis Eloba nî koase

¹ Koa re ǃKhūba! Koa re ǃKhūba ǀhomma xu; koa bi re ǀgapi ǃkhaidi ǃnâ.

² Koa bi re ǁîb ǀhomǃgādu hoado; koa bi re ǀhomsi ǂnubidu hoado.

³ Koa bi re sores tsî ǁkhâb tsîro; koa bi re hoaraga ǃnâ ra ǀgamirodo.

⁴ Koa bi re hoan xa ǀgapi ǀhomgo tsî ǁgammi ǀhommi ǂamǃnâ hâb hoaba.

⁵ An ǃKhūb di ǀonsa koa! ǁÎb mîmās ain ge kuruhe xuige.

⁶ ǁÎb mîmās ain ge ǁîn ǃkhaidi ǃnâ ǀamose ge ǁapoǁapohe; ǁîb ge ǁaposa ǂnûiǂgās, ǃûǂamhe ǁoasa ge mā.

⁷ ǃHūbaiba xu ǃKhūba koa re huriǀgurudu tsî ǃgamgo hoago;

⁸ ǀaes tsî ǃnareb, tsamaros tsî tsantos tsîdu, tsî ǁgaoǂoab, ǁîb mîmāsa ra dīǀoaǀoab hâdo.

⁹ Hoaraga ǃhomgu tsî ǃnâugu ǂûhain tsî sederhaiso;

¹⁰ xamarin, ǀgurun tsî ǀgoan, ǂhanaben tsî ǁkhana ra anin.

¹¹ ǃHūbaib gao-aogu tsî hoaraga ǃhaodi, gaosan tsî ǃhūbaib ǂgaeǂgui-aodu hoado;

¹² ǂkham khoegu tsî ǂkham khoeso; kaikhoedu tsî ǀgôadu hoado.

¹³ ǁÎn ge ǃKhūb ǀonsa nî koa; ǁîb ǀons ǀguis a ǀgapi xui-ao. ǂKhaisib âb ge ǃhūbaib ai tsî ǀhommi ǃnâ hâ.

¹⁴ ǁÎb ge ǁaes âba ge ǀgaiǀgai ǁîb saoǃgonaon nî ǁîba koase, Israelǁaes, ǁîb ǀgūse hâsa. Koa re ǃKhūba!