Psalmdi 147 - Khoekhoegowab 2020

Elob Hoaǀgaixab ǃoa hâ koatsanas

¹ Koa re ǃKhūba! ǃGâi i ge a Eloba koaǁnaebasa; ǀnamǀnamsa tsîs a anu ǁîba koasa amaga.

² ǃKhūb ge Jerusalemsa ǁkhawa ra ǂnubikhâi Israeli din, ǀgaruǀgaruhe hânab ge ra ǀhaoǀhao.

³ ǁÎb ge ǁnāb ǂkhū hâ ǂgaogu â-ina ǂgauǂgau tsî ǀhapin âna ra ǃgae-aiba.

⁴ ǀGamiron di ǃgôaba ǁapoǁapo tsî mâ-i hoa-e ǀonsa ra māba.

⁵ Sada ǃKhūb ge kai tsî ǀgaib âb ge a kai, ǁîb ǁnâuǃāb ge a ǀnōhe ǁoa.

⁶ ǃKhūb ge ǁgâiǀāhe hâna ra huikhâi; xaweb ge ǂkhaba khoena ǃhūb kōse ra ǃgamǃgam.

⁷ Gangantsanasa ǃKhūba ǁnaeba re harps ai sada Eloba ǀkhōba re.

⁸ ǁÎb ǀhomma ǃâudi ǀkha ra ǀoa kaib, ǀnanuba ǃhūb ǃaroma ra ǂhomib, ǀgâna ǃhomgu a ra ǁhai kaiba.

⁹ Xamarina ra ǂûmāba, ǂkham goran ǂgai rana.

¹⁰ Hā-i di ǀgaib ǃaroma tamas ge ǃgâiaǂgaob rasa, khoeb ǀnūkha ǃnâ tamas ge ǃgâiǃgâibasensab ūhâsa.

¹¹ ǃKhūb ge ǁnān ǁîba ra ǃaoǃgân ǃnâ ra ǃgâiaǂgao ǁnān, ǁîb di hâhâ ra ǀnamma ra ǃâubasenna.

¹² ǃKhūba koaǁnaeba re Jerusalemse! koa re sa Eloba, Sionse!

¹³ Sa dao-amdi di ǂganamxūdeb ra ǁapoǁapo tsî sa ôana ǀkhae xuige.

¹⁴ ǁÎb ge sa ǃhūǀkharigu ǃoa ǂkhîba ra sîb, ǃgâi ǃhorob ǀkha ra ǁâǁâ tsiba.

¹⁵ Mîmās âba ǃhūb ǁga ra sîb, mîb ra xūn ǃhaese ra ība.

¹⁶ Tsamaros, gūǀûn khami īsa ra māb, ǀauba tsarab khami ra tsorob;

¹⁷ ǃnareb âba pereǂoman khami ra aoǁnâba. Tari-e ǁîb di ǃkhaib aiǃâ nî mâ ǁkhā?

¹⁸ Mîs âbab ge ra sî tsî ǁîde ra tsunitsuni; ǂoab âbab ra ǃgom kai, tsîb ǁgamma ra dâu.

¹⁹ ǁÎb ge mîdi âba Jakoba ra ǂanǂan; ǁaposa ǂnûiǂgādi tsî ǂhanugu âba Israela.

²⁰ ǀNî ǃhao-i ǃoagub ge nēti ge dī tama hâ i; ǁîb ǂhanugan ge ǁîna a ǀū. Koa re ǃKhūba!