Psalmdi 146 - Khoekhoegowab 2020

Elob, ǀguise hâ Hui-aob ǃoa hâ kares

¹ Koa re ǃKhūba! Koa re ǃKhūba ti ǀomse.

² Ûi ta hâs kōse ta ge ǃKhūba nî koa; hâ ta as kōse ta ge Eloba nî koaǁnaeba.

³ Tā gaosan ai ǂgomaiǂnûi, khoen ôab ai, ǃgâiǃōsi-i xare-i ǁîb tawa a ǀkhaiba.

⁴ ǀOms âna ǂoa tsîn ge ǃhūb ǃoa ra oa, ǁnā tsēs ai di ge ǁîn ǀapede ra toa.

⁵ ǀKhaehe i ge hâ ǁnā khoe-i Jakob Eloba ǁî-i di huise ūhâ-e; ǃâubasens â-i ǃKhūb, ǁî-i Elob ai hâ-e.

⁶ ǀHommi tsî ǃhūbaib, hurib tsî ǁîb ǃnâ hân hoana ge kurub; ǀamose a ǂgomǂgomsaba.

⁷ ǁGâiǀāhe hân di ǂhanuba ra sîsenni; ǃâ hâna ra ǂûmāba. ǃKhūb ge ǃkhōsana ra ǃnoraǃnora

⁸ ǃKhūb ge ǂgī hân mûde ra ǁkhowa-am ǃKhūb ge ǃgamǃgamsana ra ūkhâi; ǃKhūb ge ǂhanu-ai khoena a ǀnam.

⁹ ǃKhūb ge ǃhaokhoena ra sâu, ǃguniǀgôan tsî ǃoataradeb ge ra huikhâi xaweb ge eloxoresan di daoba ra gama kai.

¹⁰ ǃKhūb ge ǀamose nî gaosîsen Sionse, sa Elob ge ǃhaosa xu ǃhaos kōse nî gaosîsen. Koa re ǃKhūba!