Psalmdi 141 - Khoekhoegowab 2020

Tsuxuǀgores

Davidi Psalms

¹ ǃKhūtse satsa ta ge ra ǂgaiǀî; ǃhaese tita tawa hā re. Ti domma ǁnâu re, saǀî ta ga ǂgaio.

² As ti ǀgoresa sa aiǃâ ǃgâihamǁguibas ase ǁaposa tsî ti ǃomkha di ūkhâisa, ǃuiǁguibas ase.

³ ǃKhūtse ǃûiǃgâxū-e ti ams tawa ǂnûi re; ti amǁgaukha di dao-ams tawa ǃkhē-ao-e.

⁴ Tā ti ǂgaoba tsū xūnǀî ǂō kai re, dāsās ǃnâ ta ǁgauoǃnâse, ǂhanuoǃnâse ra sîsenn ǀkha sîsen tsî ǁîn di ǃgâi xūna tsâtsâ tidese.

⁵ ǂHanu-ai-i ga ǀnammi ǃnâ ǂnau tsî ǂgōǀau te, ǁnās ge ti danasa oli-i ase ība; as ti danasa tā ǁîsa ǂkhā. Ti ǀgores ge hugaǀgui ǁîn di ǂkhaba dīgu ǃoagu hâ.

⁶ ǁÎgu di ǀgoraǃgâ-aogu xan ga ǃgareǀuiba xu aoǁnâhe on ge ti mîdi a ǃgâi ǃkhaisa nî ǁnâu.

⁷ Khoe-i ra ǀuina ǁhā tsîb ǂomaba ǃhūb ai ra ǁnā khami, ǁnātin ge sida ǂkhōna ǁŌhân Hâǃkhaib di dao-ams tawa nî tsoroǁguihe.

⁸ Ti mûra ge sats ai ǃammâisa ǃKhūtse, ti ǃKhūtse Sats tawa ta ge ra gau; tā ti ûiba ǂnâǂui re.

⁹ Titan ge ǁguiba ǁnoasa xu sâu te re, ǁnān ǂhanuoǃnâsiba ra sîsenn di ǃnuide xu.

¹⁰ An ǂkhaba khoena ǁîn di ǁnoadi ǃnâ ǁnā ǃnorasase ta tita ǁnāpa ra ǃkharu hîa.