Psalmdi 14 - Khoekhoegowab 2020

Khoesi ǂkhabasigu

Davidi Psalms

¹ Gâ khoen ge ǁî-aitsama “Elo-i ge a ǀkhai” ti ra mîbasen. ǁÎn ge hoatsama a ǂhanuoǃnâ tsî tsū xūna dī hâ; khoe-i xare-i, ǂhanuse ra dī-i ge a ǀkhai.

² ǃKhūb ge ǀhomma xu khoen ǃoa ra kōǁnâ, ǀgui-i xawe-i ǁîn ǃnâ gā-ai tama, ǁîba nî ǃoaba-e ǃkhaisab nî kōse.

³ Xawen ge hoana tsūdī hâ tsî ǀguitikōse a ǂkhaba. ǀGui-i ân tsîn ge ǂhanu xū-e dī tama hâ ǀgui-i xawe-e.

⁴ “Hoaraga khoen hîa a ǂkhaban, ti khoena pere-en ra ǂû khami ra hapuna kha ǁnâuǃā tama hâ?” tib ge ǃKhūba ra dî.

⁵ Ab toxopa huiba Sionsa xu Israelsa hāba re.

⁶ Mâtikōsen Israels khoen, Jakob dina nî ǃgâiaǂgao, Elob ga ǁîna ǁkhawa ǀasa kaio!

⁷ Ab toxopa huiba Sionsa xu Israelsa hāba re. ǃKhūb ga ǁîb ǁaes di mâsiba ǀkharaǀkhara on ge Jakob dina nî dâ, os ge Israelsa nî ǃgâiaǂgao!