Psalmdi 138 - Khoekhoegowab 2020

Ganganǀgores

Davidi dis

¹ Tita ge satsa nî koa ǃKhūtse; elogu aiǃâ ta ge satsa nî koaǁnaeba.

² Sa ǃanusib Tempeli ǃnâ ta ge ra ǃhon ǂgao; sa hâhâ ra ǀnammi ǃaroma ta ge sa ǀonsa ra kare ǂgao, sa ǂgomǂgomsasib ǃaroma. Sa ǀons tsî sa mîsats ge hoa xūn ǂamai kaikai amaga.

³ ǂGai ta ka tsēs aits ge ra ǁnâu-am te tsîts ge ti ǀoms ǃnâ kai ǀgaiba ra mā te.

⁴ Hoaraga gao-aogu ǃhūbaib digu ge sats ǃKhūtsa nî koa, sa ams di mîde gu ga ǁnâuo.

⁵ ǃKhūb di daogu xa gu ge nî ǁnae ǃKhūb di ǂkhaisib a kai amaga.

⁶ ǃKhūb ge a ǀgapi, xaweb ge ǃgamǃgamsensana ra mû, tsîb ge ǀgapiǂâixana ǃnūseba xu a ǂan.

⁷ ǂŌǂōsib ǃnâ ta ga ǃgû xawets ge ti ûiba ra sâu; sa ǃommats ge ti khākhoen ǁaixasib ǃoagu ra ǀhōǂui tsîb ge sa amǀkhāb ǃomma ra huiǂui te.

⁸ ǃKhūb ge tita ra mâǂgâba. ǃKhūtse sa hâhâ ra ǀnammi ge ǀamose ra hâ. Tā sa ǃomkha di sîsenna ǁnāxū re.