Psalmdi 137 - Khoekhoegowab 2020

ǃKhōsis ǃnâ hâ Israelǁîn di ǃgaes

¹ Babilons ǃāgu tawa ǁnāpa da ge ǂnû tsî gere ā Sions xa da gere ǂâio.

² ǁNā ǃhūb ǃnâ mâ kai haidi ai da ge sida di harpde ge ǂgāmâi.

³ ǁNāpan ge sida ge ǁgariǃgû-ūna ams di mîde ge ǂgaoǀkhā da; ǁnān sida ge ǁgariǃgû-ūn ge ǃgâi amsa ge ǂgan: “Sions ǁnaetsanadi di ǀguisa ǁnaeba da re!”

⁴ Mâti da ǃhao ǃhūb ǃnâ ǃKhūb xa ǁnaetsana-e nî ǁnae?

⁵ Jerusalemse sasa ta ga ǀuru ob ti amǀkhāb ǃommi tsîna ǀuruhe re.

⁶ Ab ti namma ǂkharub ai ǂae re; sasa ta ga ǀuruo; Jerusalemsa ta ga ti ǃgâiaǂgaob ǂamai ǀgapiǀgapi tama io.

⁷ ǃKhūtse ǂâihō re Edommi dina, Jerusalems tsēs ain ra mîo: “Khôaǁnâ si, khôaǁnâ si, ǃgaoǃgaogu âs kōse!”

⁸ Babilons ôas, hîkākās ǃoa ǀâxarehe hâse ǀKhaehen ge hâ ǁnān sida ǀkhas ge dīna ra dīdawa-am sina!

⁹ ǀKhaehen ge hâ ǁnān, sa ôana tsubu tsî ǃhaob ai ra ǂanǃāna.