Psalmdi 136 - Khoekhoegowab 2020

Gangantsanas

¹ ǃKhūba koa re, ǁîb a ǃgâi xuige; ǁîb di hâhâ ra ǀnammi ge ǀamose ra hâ.

² Koa re elogu di Eloba; ǁîb di hâhâ ra ǀnammi ge ǀamose ra hâ.

³ Koa re ǃkhūgu di ǃKhūba; ǁîb di hâhâ ra ǀnammi ge ǀamose ra hâ.

⁴ ǁNāb, ǀguri kai buruxa dīna ra dība; ǁîb di hâhâ ra ǀnammi ge ǀamose ra hâ.

⁵ Gā-aisib âba xu ǀhomga ge kuruba; ǁîb di hâhâ ra ǀnammi ge ǀamose ra hâ.

⁶ ǃHūbaiba ǁgamgu ai ge ǃāǂuiba; ǁîb di hâhâ ra ǀnammi ge ǀamose ra hâ.

⁷ Sores tsî ǁkhâba ge dība; ǁîb di hâhâ ra ǀnammi ge ǀamose ra hâ

⁸ Soresa tsēa nî gaoǂamse ǁîb di hâhâ ra ǀnammi ge ǀamose ra hâ.

⁹ ǁKhâb tsî ǀgamirode tsuxuba nî gaoǂamse ǁîb di hâhâ ra ǀnammi ge ǀamose ra hâ.

¹⁰ ǁNāb Egipteba ge ǂnauba ǁîb ǂguroǃnaesan ǃnâ-u; ǁîb di hâhâ ra ǀnammi ge ǀamose ra hâ.

¹¹ Israelǁaesa ǁîn ǁaeguba xu ge ǂgaeǂguiǂuiba; ǁîb di hâhâ ra ǀnammi ge ǀamose ra hâ;

¹² ǀGaisa ǃommi tsî ǀhōǂuisa ǁôab âb ǀkha ǁîb di hâhâ ra ǀnammi ge ǀamose ra hâ.

¹³ Kare re ǁnāb ǂĀxahuriba ǀgam ǃâra ǃnâ ge ǂkhaweba, ǁîb di hâhâ ra ǀnammi ge ǀamose ra hâ;

¹⁴ Israelǁaesa ǁaegub ǃnâ ǃkharu kaiba ǁîb di hâhâ ra ǀnammi ge ǀamose ra hâ,

¹⁵ xawe Faraob tsî ǁîb toroǂnubisa ǂĀxahurib ǃnâ ge ǂhāǂgāba ǁîb di hâhâ ra ǀnammi ge ǀamose ra hâ.

¹⁶ ǁÎb ge ǁîb di ǁaesa ǃgaroǃhūb ǃnâ ge ǂgaeǂgui; ǁîb di hâhâ ra ǀnammi ge ǀamose ra hâ.

¹⁷ Kai gao-aoga ge danna; ǁîb di hâhâ ra ǀnammi ge ǀamose ra hâ.

¹⁸ ǀGaisa gao-aoga ge ǃgamma; ǁîb di hâhâ ra ǀnammi ge ǀamose ra hâ.

¹⁹ Amorǁîn gao-aob, Sihonni; ǁîb di hâhâ ra ǀnammi ge ǀamose ra hâ,

²⁰ tsî Basanni di gao-aob, Ogi tsîkha. ǁÎb di hâhâ ra ǀnammi ge ǀamose ra hâ.

²¹ Tsî ǁîkha ǃhūba ǀumixūse ge māba; ǁîb di hâhâ ra ǀnammi ge ǀamose ra hâ.

²² ǀUmixūse, Israeli, ǁîb di ǃgāba ge māba ǁîb di hâhâ ra ǀnammi ge ǀamose ra hâ.

²³ Sida di ǃgamǃgamhes ǃnâ sida xa ge ǂâiba, ǁîb di hâhâ ra ǀnammi ge ǀamose ra hâ;

²⁴ tsî ge khākhoena xu ge huiǂui daba, ǁîb di hâhâ ra ǀnammi ge ǀamose ra hâ

²⁵ hoaraga khoesiba ǂû-e ra māba, ǁîb di hâhâ ra ǀnammi ge ǀamose ra hâ.

²⁶ Koa re ǀhommi di Eloba, ǁîb di hâhâ ra ǀnammi ge ǀamose ra hâ!