Psalmdi 128 - Khoekhoegowab 2020

ǃKhūba ǁnâuǀnams di mādawa-ams

ǃGûǃapas di tsanas

¹ Mâtikōse i a ǀkhaesa, mâ-i hoa-i ǃKhūba ǃaoǃgâba ūba hâ tsî ǁîb di daogu ǃnâ ra ǃgû-e.

² Sa ǃomkha sîsenni di ǃgâibats ge nî ǀama. Mâtikōsets a ǀkhaehesa; sats ge nî ǃgâiǃgâxa.

³ Sa taras ge ǂûtanixa draibehais khami sa oms ǃnâ nî ī, tsî sa ôana ǀkherahais di ǁnâugu khami, tāb ǂnamipe hân khami.

⁴ ǁNātib ge khoeba nî ǀkhaehe, ǃKhūba ǃaoǃgâba ūba hâba.

⁵ Ab ǃKhūba satsa Sionsa xu ǀkhae Ats ûits hâs kōse Jerusalems di ǃgâiba mû

⁶ îts ûi tsî sa ôan di ôana mû ǁkhā. ǂKhîba ab Israeli ǂama hâ re!