Psalmdi 127 - Khoekhoegowab 2020

Elob ǃgâisib di koas ǃoa

ǃGûǃapas di tsanas Salomob dis

¹ ǃKhūb ga omsa om tama io on ge ǁîb di omaona ǁause ra ǀhupu. ǃKhūb ga ǃāsa ǃûi tama io, on ge ǁnān ǁîsa ra ǃûina ǁause ǂkhaikari ra hâ.

² ǁAu-i ge a ǁaeb mâ hîa du ra khâi tsî ǀhana hâse sâǃgûsa, pereb tsûb diba ra ǂûse. ǃKhūb ge ǁîb ǀnam hâna ǃgâi ǂomsa ra mā.

³ Aore ǀgôagu ge ǀumi-amǃnâs ǃKhūba xu hâs ase ī; ǁhās di ǂûtanib ge a mādawa-am.

⁴ ǂĀgu ǃkhamaob ǃomgu ǃnâ ī khami, ǁnāti gu ge sa ǂkhamsis ǀgôaga ī.

⁵ Mâtikōseb a ǀkhaesa ǁnā khoeb ǁîga ǂguise ūhâba. ǁÎb ge taotaohe tide khākhoen âb ǀkhab ga ǂgâ-ams tawa ǃhoao.