Psalmdi 125 - Khoekhoegowab 2020

Elob khoen di ǁaposasib

ǃGûǃapas di tsanas, Davidi dis

¹ ǃKhūb ai ra ǂgomaiǂnûin ge Sionǃhommi khami ī, tātsē ǁnobe tama tsî ǀamose ǁaposase mâba.

² Jerusalems ǃhomgu xa ǃnamiǂgāhe hâ khami, ǁnātib ge ǃKhūba ǁîb ǁaesa ǃnamiǂgā hâ, nēsisa xu ǀamos kōse.

³ Eloxoresan di ǀkharub ge ǂhanu-ain di ǀumi-amǃnâs ai hâhâ tide, în ǂhanu-aina tā ǁîn ǃomga ǂhanuoǃnâsib ǃoa ǀhōǂui.

⁴ ǃKhūb ge ǃgâina ra ǃgâidība ǁnān ǂgaogu ân ǃnâ ǂhauǃnâna.

⁵ ǁNān hîa ǁîn di gama daoguǀî ra ǂgōn, ǁînab ge ǃKhūba ǂkhabadī-aon ǀkha nî dībē. ǂKhîba ab Israeli ǂama hâ re!