Psalmdi 124 - Khoekhoegowab 2020

Elob ge a ǁîb khoen di sâu-ao

ǃGûǃapas di tsanas, Davidi dis

¹ ǃKhūb ga sida hâba tama hâ io, ab Israela ǁnāsa mî.

² “ǃKhūb ga sida hâba tama hâ i, khoen ge sida ǃoagu khâio,

³ on ge ûitsamase ga haraǂgā da hâ. ǁAixasib ân ge sida ǃoagu ǀaexao;

⁴ ob ge ǁgamma ga dâuǂam da hâ, ǁgamǃāga sida ga īǂam hâ;

⁵ tsî gu ge ǀgapi ǁgamga sida ûiga ga īǂam hâ.”

⁶ Ab ǃKhūba koahe re sida amǀnēse ǁîn ǁgûgu ǃaroma māǁnâ tama ge iba.

⁷ Anin khami da ge ge ûiǂoa aniǃkhō-aon di ǁnoade xu.

⁸ Sida huib ge ǃKhūba xu ra hā, ǁnāb ǀhommi tsî ǃhūbaiba ge kuruba.