Psalmdi 122 - Khoekhoegowab 2020

Jerusalems di koas

ǃGûǃapas di tsanas Davidi dis

¹ Tita ge ge ǃgâiaǂgao, tita ǃoan ge, “A da ǃKhūb di ommi ǃoa ǃgû” ti mîo.

² Sida ǂaidi ge sa dao-ams tawa mâ, Jerusalemse!

³ Jerusalems, ǃās ase ǂnubihe tsî ǀguipa ǁaposase mâs;

⁴ ǁîs ǃoa di ǁaedi, ǃKhūb ǁaede ra ǃgûǃapase. Israeli ǂnûiǂgās ǃoa, ǃKhūb ǀonsa nî karese.

⁵ ǁNāpa di ge ǀgoraǃgâs di tronde hâ, Davidi ommi di tronde.

⁶ Jerusalems ǂkhîba ǀgoreba re: “An ǁnān ǁîsa ǀnamna ǂkhîb ǃnâ ûi.

⁷ Ab ǂkhîba ǁîs ǂnubiǂgoagu ǁaegu hâ tsî sâsasiba hâǃkhaidi âs ǃnâ.”

⁸ Ti ǃgâsagu tsî ti ǀhōsan ǃaroma ta ge ra mî: “Ab ǂkhîba sas ǃnâ hâ re.”

⁹ ǃKhūb, sada Elob di ommi ǃaroma ta ge ǃgâina ra ôaba si.