Psalmdi 121 - Khoekhoegowab 2020

ǃKhūb di sâu-aob

ǃGûǃapas di tsanas

¹ ǃHomgu ǃoa ta ge ra kōkhâi. Mâpa xub ti huiba nî hā?

² Ti huib ge ǃKhūba xu ra hā, ǁnāb ǀhommi tsî ǃhūbaiba ge kuruba.

³ ǁÎb ge sa ǂais nî ǁnobe ǃkhaisa mā-am tide sa sâu-aob ge ǂomhî tide.

⁴ Mû, sâu-aob Israels dib ge ǂomhî tamas ka io ǁom tama hâ.

⁵ ǃKhūb ge a sa sâu-ao; ǃKhūb ge sa somma, amǀkhāb ǁôab ai.

⁶ Sores ge tsēa ǃkhā tsi tide tsî ǁkhāti ǁkhâba, tsuxuba.

⁷ ǃKhūb ge satsa ǂkhabab hoaba xu nî sâu ǁîb ge sa ûiba nî sâu.

⁸ ǃKhūb ge sa ǂgâs tsî sa ǂoasa nîra sâu, nēsisa xu ǀamosib kōse.