Psalmdi 12 - Khoekhoegowab 2020

Huib ǃaroma hâ ǀgores

Davidi Psalms

¹ Hui da re ǃKhūtse! ǃAruǀî-i ǂhanu-ai khoe-e ǀkhai; tsî i ǂhauǃnâ khoe-i xare-e hōsa tama xuige.

² Hoan ge ǁîǃnābe ǂhumibagu tsî ǂhumi koadi ǀkha ra gāxaǃnâgu.

³ ǃKhūtse ǁnā amǁgaugu ǂhumib diga ǃgaoǁnâ, î ǁnā koasenxa namdi

⁴ “Sida ge mîdi ǀkha ǂhâba da ra xū-i hoa-e ra hō tsî da ge ǂgao da ra xū-i hoa-e nî mî tsî i ge khoe-i xare-e ǂkhā da tide” ti ra mîde ǃnōǃnō.

⁵ Ob ge ǃKhūba ra mî: “Nēsi ta ge nî khâimâ ǀgâsan, ǁgâiǀāhe ran tsî ǃgôaǃgonhe tsî tsûb xa ra ǃgaen ǃaroma.”

⁶ ǃKhūb di mîdi ge ǀhaiǀurib, hû ǃnāde ǀaes ǃnâ tsunitsunihe hâb khami a ǃanu.

^7-8 ǃKhūtse ǃnorasase ūhâ, î sâu da re ǂkhaba khoen, mâ ǃkhai-i hoa-i ai hâ tsî hoan hîa ǂkhaba xūna ra koana xu.