Psalmdi 113 - Khoekhoegowab 2020

ǃKhūb ǃgâisiba koas

¹ Koa re ǃKhūba! ǃKhūb di ǃgādo, ǁîb ǀonsa koa re; Koa re ǃKhūb di ǀonsa.

² As ǃKhūb di ǀonsa koahe re nēsisa xu ǀamos kōse.

³ Sores ǁhaisa xu sores ǂgâs kōse as ǃKhūb di ǀonsa koahe re.

⁴ ǃKhūb ge hoa ǁaedi ǂamai ǀgapise hâ tsî ǂkhaisib âba ǀhomgu ǂamai.

⁵ Tari-e ǃKhūb sada Elob, ǀgapise ǂnôab khami ī?

⁶ ǃGamǃgâ raba ǀhommi ǃnâ tsî ǃhūbaib ai nî kōse?

⁷ ǀGâsana tsaraba xu tsî ǂhâb ǃnâ hâna tsaosa xu ra ūkhâiba.

⁸ Gaoǀgôan ǁaegu nî ǁîna ǂnû kaise nē ǁaes di ǀgapin ǀkha.

⁹ ǁOra tama khoesa ǁgâusa mā tsî dâxa ǁgûs ǀgôan dis ase ra dība. Koa re ǃKhūba!