Psalmdi 112 - Khoekhoegowab 2020

ǃGâi khoe-i di ǃgâiaǂgaob

¹ Koa re ǃKhūba! ǀKhaeheb ge hâ ǁnāb ǃKhūba ra ǃaoǃgâb, ǁîb mîmādi ǃnâ ra ǃgâiaǂgaoba.

² ǁÎb surib ge nî ǀgaisa ǃhūb ǃnâ; ǂhauǃnân di surib, ǀkhaehe hâba.

³ ǃKhūsib ge ǃnāǂamsase ǁîb oms ǃnâ hâ tsîb ge ǂhauǃnâsib âba ǀamose ra hâ.

⁴ ǁÎb ge ǃkhaenab ǃnâ ǂhanu-aina ǃnâse ība, ǁîb ge ǀkhomxa, ǀkhomxaǃnâ tsî a ǂhanu-ai.

⁵ ǃGâiǃgâxab ge ǁnā khoeb ǃgâiǂgaoxa a tsî ra ǀkhupib, ǁîb di ǁhōga ǂhauǃnâse ra sîsenna.

⁶ ǁÎb ge tātsēs tsîna ǁnobe tide; ǁîb ge ǀamose ǂâis ǃnâ nî ūhâhe.

⁷ ǁÎb ge ǂkhaba ǂhôana ǁnâusa ǃao tama hâ; ǂgaob âb ge a ǁaposa, ǁîb ge ǃKhūb ai ra ǂgomaiǂnûi.

⁸ ǂGaob âb ge a ǁaposa tsîb ge ǃao tama hâ; tsîb ge ǁîb mâǃoasaben ai ra kōǁnâ.

⁹ ǁÎb ge ǂhâb ǃnâ hâna ra ǀgoraba; ǁîb ǂhanu-aisib ge ǀamose ra hâ.

¹⁰ Eloxoresab ge nēsa mû tsî ra ǁaixa ǁaninǁgûb ra xaweb ge ǀgaib âba ra kā. Eloxoresan di turab ge ra kā.