Psalmdi 111 - Khoekhoegowab 2020

ǃKhūba koas

¹ Koa re ǃKhūba! Ti ǂgaob hoab ǀkha ta ge ǃKhūba ra kare ǂgao ǂhanu-ain tsî ǀhaohâb di ǀhaos ǃnâ.

² Mâtikōse gu a buruxa ǃKhūb di sîsenga! Hoan nēs xa ra ǃgâiaǂgaon ge ǁîga ra ǁnâuǃā ǂgao.

³ Sîsengu âb ge kai tsî a ǂkhaisa; ǂhanu-aisib âb ge ǀamose ra hâ.

⁴ ǁÎb buruxa dīnab ge ǂâiǂâisen-e ge dība, ǃKhūb ge ǃgâiǃnâxa tsî a ǀkhomxaǃnâ.

⁵ ǁNān ǁîba ra ǃaoǃgânab ǂû-e ra mā; ǁîb ǃgaeǀhaosab ge ǀamose ǂâis ǃnâ ūhâ.

⁶ ǁÎb sîsengu di ǀgaibab ge ǁîna ge ǁgau tsî ǁîna ǁaedi di ge i ǃhūba ǀumis ase ge mā.

⁷ ǁÎb ǃomkha di sîsengu ge ama tsî a ǂhanu-ai; ǁîb ǂnûiǂgādi hoadi ge a ǂgomǂgomsa.

⁸ ǁÎdi ge ǀamose ǁaposase mâ tsî ǂgomǂgomsasib tsî ǂhauǃnâsib ǀkha nî ûiǂuihe.

⁹ Oresab ge ǁaes âba ge sîba; ǃgaeǀhaos âbab ge ǀamos kōse ge ǃkhōǀgara. ǁÎb ǀons ge a ǃanu, tsî ǃaohesa anu hâ.

¹⁰ ǃKhūba ǃaoǃgâba ūhâbas ge a gā-aisib di tsoatsoa; ǃgâise ra dīn hoan ge ǃgâi ǁnâuǃāba ūhâ. ǁÎb di koas ge ǀamose ra hâ.