Psalmdi 110 - Khoekhoegowab 2020

ǃKhūb tsî ǁîb di ǁhûiǂuisa gao-aob

Davidi Psalms

¹ ǃKhūb ge ti ǃkhūb ǃoa ge mî: “Ti amǀkhāb ai ǂnû sa khākhoena ta sa ǂaiǃnaose nî dīs kōse.”

² ǃKhūba ge sa gaohais di ǀgaiba Sionsa xu sî tsî “Sa khākhoen ǁaegu gaosîsen re” ti nî mî.

³ Sa ǁaes ge nî māsenxa, sa ǀgaib di tsēs ai; sa toroǂnubisats ga ǃanu ǃhomgu ai ǂgaeǂguio. ǁGoaǂnobos di ǁhāsa xub ge sa ǂkhamsiba sa ǃoa nî ǀkhī.

⁴ ǃKhūb ge ge nū tsî ǁîb nūsa ǀkharaǀkhara tide: “Sats ge ǀamose a prister Melxisedeki ǀgaub ǃoa.”

⁵ ǃKhūb ge sa amǀkhāb ai hâ tsî ǁîb ǁaib di tsēs ai gao-aoga nî ǀgaruǀgaru.

⁶ ǁÎb ge ǃhaodi ǁaegu ra ǀgoraǃgâ, tsî ǃkhamǃkhaiba ǁō hâ sorodi ǀkha nî ǀoaǀoa; tsîb ge hoaraga ǃhūbaib gao-aogu di danade nî ǀgaruǀgaru.

⁷ Daob xōǀkhā ǁgoe ǃāroba xub ge ra ā; tsî ǁnā-amaga danas âba ǀgapise nî ūhâ.