Psalmdi 11 - Khoekhoegowab 2020

ǃKhūb ǃnâ hâ ǂgomǃgâs

Davidi Psalms

¹ Tita ge ǃKhūb ǃoa ra ǁhaiǁhâ. Mâti du tita ǃoa a mî ǁkhā: “Ani-i khami ǃhomgu ǃoa ǁkhana re.

² ǁNāpan ǂkhaba khoena khādi tsî ǂāgu tsîna ra ǂhomi, ǂhanu-ai khoena nî ǁkhâuse xuige.

³ ǂHanu-ai khoe-i nî dī xū-i xare-i ge a ǀkhai ǃgaoǃgaogu ga ǁnobeǁnobeheo?”

⁴ ǃKhūb ge ǁîb di ǃanu Tempeli ǃnâ hâ tsî trons âba ǀhommi ǃnâ ūhâ. Mâpa ǀguin ga hâ xaweb ge ǁîba khoena ra ǃûi tsî tarenan ra dīsa a ǂan.

⁵ ǁÎb ge ǀguitikōse ǂhanu-ain tsî ǂkhaban tsîn hoana ra ôaǃnâ tsîb ge ǂhanuoǃnâna ǁîb di hoaraga ǂgaob ǀkha ǁkhan hâ.

⁶ ǁÎb ge khau ra ǂnomdi tsî sulfuri tsîna ǂkhaba khoen ǂama ra sîǁnâ; ǁînab ge ǀgaisa ǂoab ǀkha nî ǁkhara.

⁷ ǃKhūb ge a ǂhanu-ai, tsîb ge ǂhanu-ai sîsenga a ǀnam, tsîn ge ǁnān ǂhanu-ai sîsenga ra dīna, ǁîb ǀhûhâsib ǃnâ nî ûi.