Psalmdi 101 - Khoekhoegowab 2020

Gao-aob mîmâis

Davidi Psalms

¹ Sa ǂhanu-aisib tsî hâhâ ra ǀnammi xa ta ge nî ǁnae; sats ǃKhūtsa ta ge nî koaǁnaeba.

² Tita ge ǂnao-o daob ai ti ǂâisa nî ǃammâi. Mâǁaets tita tawa nî hā? Ti oms ǃnâ ta ge ti ǂgaob di ǂhauǃnâsib ǀkha nî sîsen.

³ Ti mûǁae ta ge tsū xūna mâi tide. ǁNān hîa ra ǁnāǁgôan di sîsenga ta ge ǁkhan hâ; ǁîgu ge ǂae-ai te tide.

⁴ ǂKhaba ǂgao-i ge tita xu ǃnūse nî hâ ǂkhababa ta ge ǂan tide.

⁵ ǁNāb hîa ǀgūkhoe-i âba ǂganǃgâsib ǃnâ ra ǃkhāǃkhāba ta ge nî hîkākā. ǀGapiǂâixa mûra tsî ǁîǃgôasenxa ǂgaoba ūhâ-e ta ge taniǀnam tide.

⁶ Ti mûra ge ǂgomǂgomsa khoen ǃhūb din ai nî hâ tita tawan nî ǁanse; ǁNān, ǂnao-on ge tita nî ǃoaba.

⁷ Ti ommi ǃnâ i ge gāxaǃnâ ra khoe-e hâ tide. ǂHumi ra-i ge ti mûǁae mâhō ǁkhā tide.

⁸ ǁGoakorobe ta ge hoaraga ǂkhaba khoen ǃhūb dina nî hîkākā; ǁnāti ta ge ǂhanuoǃnân hoana ǃKhūb ǃāsa xu nî dībē.