Psalmdi 1 - Khoekhoegowab 2020

ǂGuro ǂkhanis Psalmdi 1—41 Ama ǃgâiaǂgaob

¹ ǀKhaehen ge hâ ǁnān, ǂkhaba khoen di ǀapemās ǃnâ ǃgû tama i, ǁore-aon ǀkha ǁkhā daob ǃnâ mâ tama i, tsî ǃhō-aon ǀkha ǀguipa ǂnû tamana.

² Xawen ge ǃKhūb di ǂhanub ǃnâ ǃgâiǃgâisen tsî ǁîba tsēs tsî tsuxuba ra ǂâiǃgâ.

³ ǁÎn ge hain, ǁgamǃāro-i tawa ǂgāhe hân, ǂhanu ǁaeb ai ra ǂûtanin tsî ǂnaregu ân ǂnâ taman khami ī. Dīn ra xūn hoan ǃnân ge a ǃgâiǃgâxa.

⁴ ǂKhaba khoen ge ǁnāti ī tama hâ xawen ge ǀhōb, ǂoab xa ra ǃgombēheb khami ī.

⁵ ǁNā-amagan ge ǂkhaba khoena ǀgoraǃgâs ǃnâ mâ ǁkhā tide tsî ǁore-aona ǂhanu-ain ǀkha ǀguipa hâ tide.

⁶ ǂHanu-ain daobab ge ǃKhūba ra sâu, xawe ǂkhaba khoen daob ge nîra kā.