ǂKhoamîdi 12 - Khoekhoegowab 2020

¹ ǂGōǀauhesa ra ūǃoa khoe-i ge ǂansa ǀnam, xawe ǂgōǀausa ra mâǃoa khoe-i ge a gâre.

² ǃGâi khoe-i ge ǃKhūba xu ǀkhomma ra ǃkhōǃoa, xaweb ge ǃKhūbaǂkhaba ǀapede ūhâ khoe-e ra ǁkhara.

³ Eloxoresa-i ge sâ-e ūhâ tama hâ, xawe ǂhanu-ai-i ǃnomab ge ǃhomǂuihe tide.

⁴ ǃGâi taras ge ǁîs aob di kronsa, xawe taotaosase ra ûi taras ge ǃnumis xa hâǃnâhe ǂkhōgu khami aob âsa ība.

⁵ ǂHauǃnâ khoe-i ge ǃgâi ǀgaub ai nî ûi-ū tsi, xawe ǂkhaba khoe-i ǀapedi ge a ǀhôagao.

⁶ Eloxoresa khoe-i mîdi ge ǁōǁōsa ǁnoab khami ī, xawe ǂhanu-ai khoe-i mîdi ge ra huiǂui tsi.

⁷ Eloxoresan ge ǃkhamdanhe tsî ra ǃgamhe, xawe ǂhanu-ai khoe-i oms ge nî hâhâ.

⁸ Khoe-i ge ǁî-i gā-aisib ǃaroma ra koahe, xawe ǁnâuǃāoǃnâ khoe-i ge ra ǃharaxūhe.

⁹ ǃGâiǃō-i ge ǃgamǃgamsenxa khoe-i, ǁî-aitsama ra sîsenbasen-e, ǁnā-i ǁîǃgôasen ra xawe ǂû-i tsîna ūhâ tama i xa.

¹⁰ ǂHanu-ai khoe-i ge ǁî-i ǂgariba ǃgâise ra kōǃgâ, xawe eloxoresa-i di ǀkhomxasib tsîn ge a ǁkhōǁkhōsa.

¹¹ ǁÎ-i ǃhanaba ra sîsen khoe-i ge hoaǁae ǂûna ūhâ, xawe harebeoǃnâ xūn ǀkha ra ǁaeǁore khoe-i ge a gâre.

¹² Eloxoresa-i ge ǂkhababa ra ǃnaima, xawe ǂhanu-ai khoe-i sîsengu ge a ǂûtanixa.

¹³ Eloxoresa-i ge ǁî-i ǂhumib xa ra ǃkhōhe, xawe ǂhanu-ai khoe-i ge ǂōǂōsiba xu a ûiǂoa ǁkhā.

¹⁴ Sa ams ǃgâi mîdi ge ǃgâi ûiba nî mā tsi, tsî sa ǃomkha ǃgâi sîsenna xuts ge ǃgâi ûiba nî ūhâ.

¹⁵ Gâre khoe-i ge ǁî-i ǀgui-i hoaǁae a ǂhanu ti ra ǂâi, xawe gā-ai khoe-i ge ǀapemāsa ra ǃgâ.

¹⁶ Gâre khoe-i ge ǁaixa i ka, o ǁnātimîsi ǁaib â-e ra ǁgauǂui, xawe ǁnâuǃāxa khoe-i ge mîǁgaiǁgaihe i ga, xawe ǁae tama ra i.

¹⁷ Amaba ra ǃhoa khoe-i ge a ǂhanu-ai, xawe ǂhumiba ra ǃhoa ǀhûǀguitimî-ao-i ge a ǀhôagao.

¹⁸ ǂÂiǃgâ tamase ra ǃhoa khoe-i mîdi ge ǀā gôab khami ra ǃkhāǃganu, xawe gā-ai khoe-i nams ge ra ǂuruǂuru.

¹⁹ Amaba ra ǃhoa amǁgaukha ge ǀamose ra ûi, xawe ǂhumiǃnâ nams ge ǃnubu ûiba ūhâ.

²⁰ ǀHôagao ǂgaoba ūhâ khoe-i ge ǂkhababa ra ǀape, xawe ǂkhîba ra ôa khoe-i ge ǃgâiaǂgaoba ūhâ.

²¹ ǂHanu-ai khoe-i ge tsū xū-i xa hāǂamhe tama hâ, xawe eloxoresa-i ge ǂōǂōsib xa ǀoa hâ.

²² ǂHumiǃnâ khoen ge ǃKhūb aiǃâ a ui-uisa, xawe ǂhauǃnâse ra ûi khoen ge ǁîba ǃgâiaǂgaose ība.

²³ ǁNâuǃāxa khoe-i ge ǂan i a xū-e ra sâu, xawe gâre khoe-i ge ǁî-i gâresiba ra ǁgauǂui.

²⁴ Ôasa khoe-i ge nî ǂgaeǂgui-ao kai, xawe ǀopesa khoe-i ge nî khobo kai.

²⁵ ǂÂiǂhansens ge khoe-e ra dītoa, xawe ǃgâi mîdi ge ra ǃgâiaǂgao kai.

²⁶ ǂHanu-ai khoe-i ge ǁî-i ǀhōsa-e ǃgâise ra ǀapemā, xawe eloxoresa-i ge ra ǂgaeǂhapu.

²⁷ ǀOpesa khoe-i ge ǂû-i nî xū-e hō tide, xawe ôasa khoe-i ge ôa-i ra ǁuiba ra hō.

²⁸ ǂHanu-aisib daob ge ûiba ūhâ, xawe ǂkhabasib daob ge ǁōba ra ǃaroma.