Jesaja 12 - Khoekhoegowab 2020

Koatsanas

¹ ǁNā tsēs ain ge nî mî: “ǃKhūtse, tita ge ra koa tsi, tita ǀkhats go ǁaixa hâ i, xawets ge go ǁkhaeǂgao te tsîts ge ǃaruǀî ǁaixa-ū te tama hâ.

² Amase, Elob ge a ti Ore-ao; tita ge ǁîba nî ǂgomǃgâ tsî ǃao tide. ǃKhūb Elob ge a ti ǀgai tsî ǃgareǀui; ǁîb ge a ti Ore-ao.

³ ǃGâiaǂgaob ǀkha du ge ǁgam-e ûitsama ǀaus ores disa xu nî xuri.”

⁴ O du ge ǁnā tsēs ai nî mî: “ǃKhūba koasa mā! ǁÎb ǀonsa ǂgaiǀî! ǁAedi ǃnâ ǁîb dīga ǂanǂan! ǁÎb ǀons di kaisiba ǁîde ǂan kai!

⁵ ǃKhūba koaǁnaeba re, kai xūnab go dī xuige. Ab hoaraga ǃhūbaiba nēsa ǂan re.

⁶ Sions ǁanǂgāsabedo, ǃgarise ǃau, î ǃgâiaǂgaob ǀkha ǁnae! Israeli di ǃAnub sadu ǁaegu ǀgaisa dīga ra dī xuige.”