Hosea 3 - Khoekhoegowab 2020

Hoseab tsî ǂgomǂgomsa tama taras

¹ ǃKhūb ge tita ǃoa ge mî: “ǃGû, î ǁkhawa sī sa tarasa ǀnam, ǀnî khoeba ǀnam tsîs ra ǃgamekhôa xawe. Sadu ge ǃKhūb Israeli khoena ǀnams ǁkhās khami, ǀnî elon ǁga dabasen tsî draiben di narude a ǀnam.”

² O ta ge ǁîsa disikoroǀa sekeldi ǀhaiǀurib tsî ǀguikaidisi tsî korodisi kiloxramgu di gerstǃhorob ǀkha ge ǁama.

³ Tsî ta ge ǁîsa ge mîba ǂgui tsēdes ge tita ǀkha nî hâ, ǀais ge tide tamas ka ios ge ǀnî aorekhoe-i ǀkha sorosise ǂharugu tide, o ta ge sas ǀkha nî hâ.

⁴ ǂGui tsēden ge Israeli khoena nî hâ, gao-e ūhâ tamase, gaoǀgôa-i ose, ǁguiba-i ose, ǂkhâǃnâhai-i ose tsî efod-i tsî terafim-i ose.

⁵ Xaweb ge ǁaeb Israeli khoen nî ǃKhūb, ǁîn Elob tsî Davidi ǁîn gao-aob tsîna ôaba nî hā, tsîn ge ǀkhū rase, ǃgâisib ǃnâ ǃKhūb ǃoa nî hā.