Zakaria 6 - ÎVUKU RÎA ÛVORO MWARO

Kîoneki gîa ikaari inya cia mbarathi

¹ Nînaroririe rîngî na ngîona kîoneki. Noonire ikaari inya cia mbarathi ikiumîra gatagatî ka irîma igîrî. Irîma icio ciarî cia cuuma ya gîcango.

² Gîkaari Kîam mbere Kîamgucîtue nî mbarathi cia rangi ndune. Nakîo gîa kaîrî Kîamgucîtue nî mbarathi cia rangi mbirû.

³ Gîkaari gîa kathatû Kîamgucîtue nî mbarathi cia rangi njerû, nakîo gîa kana Kîamgucîtue nî mbarathi cia rangi wa kîmûu.

⁴ Nînaûririe mûraika ûrîa wambaragîria atîrî, “Mwathi wakwa, ikaari ino cia mbarathi ironania ndûî?”

⁵ Mûraika ûcio nîwanjokerie atîrî, “Ikaari icio nî maroho mana ma îgûrû marîa matungatagîra Ngai-Mûnene Ngai wa nthî yonthe. Marathiî kûruta wîra wake.

⁶ Gîkaari kîu kîgucîtue nî mbarathi icio cia rangi mwirû nîkîthiî vûrûrirî wa mwena wa rûgûrû, nakîo kîu kîgucîtue nî mbarathi cia rangi mûcerû nîkîthiî na mwena wa îthûîro. Nakîo gîkaari kîu kîgucîtue nî mbarathi cia rangi wa kîmûu nîkîthiî na mwena wa îveti.”

⁷ Rîrîa mbarathi cia rangi wa kîmûu ciaumîrire, nîciagagîte ikîenda kûthiî ikarangîre nthî. Mûraika ûcio nîwaciîrire atîrî, “Thiîni mûkone kana nthî kûrî na thayû.” Nacio nîciathiîre.

⁸ Mûraika nîwacokire akîmbîra augîrîrîtie atîrî, “Mbarathi irîa ithiîre na mwena wa rûgûrû nîciavoreria marakara ma Ngai-Mûnene vûrûrirî wa mwena wa rûgûrû.”

Watho wa gûtua Joshua mûthamaki

⁹ Ngai-Mûnene nîwamûvere ndûmîrîri îno

¹⁰ na akîmbîra atîrî, “Oca iveo irîa ivecanîtwe nî Helidai, Tobija, na Jedaia, arîa maraumire îthamîriorî Babuloni, na wa ûmûnthî ûthiî mûciî kwa Josia mûvîcî wa Zefania.

¹¹ Oca sîlûva na thaavu kuuma kûrî o na ûrûthe ngovia ya ûthamaki na ûmîkîre kîongorî Kîam Joshua Mûthînjîri-Ngai ûrîa mûnene mûvîcî wa Jehozadaki.

¹² Mwîre Ngai-Mûnene mwene vinya wonthe augîte atî, ‘Ûyû nîke mûndû ûrîa wîtagwa Rûvûa. Nîagaatamba arî wa vau arî na atume rîngî hekarû ya Ngai-Mûnene.

¹³ Nîke ûkaamîtuma na nîakaavewa gîtîîo wata kîrîa kîvecagwa mûthamaki, na nîagekarîra gîtî Kîam ûthamaki athe andû ake. Vakuvî na gîtî gîake Kîam ûthamaki nîvakethîrwa na mûthînjîri-Ngai, na oîrî nîmagekaraga marî na thayû na wîgucano.’

¹⁴ Ngovia îo ya ûthamaki îgekaraga hekarûrî ya Ngai-Mûnene nîûndû wa kûririkanaga Helidai, Tobija, Jedaia, na Josia mûvîcî wa Zefania.

¹⁵ “Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”