Zakaria 14 - ÎVUKU RÎA ÛVORO MWARO

Ngai-Mûnene nîakaavootana

¹ Taroria! Mûthenya wa Ngai-Mûnene nîûgakinya. Mûthenya ûcio, mue andû a Jerusalemu indo cienyu nîigaatavwa na igaanwe mûkîonaga.

² Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.

³ Ngai-Mûnene nîagaacoka atharîkîre ndûrîrî icio arûe nacio ta ûrîa aarûîte nacio mbere.

⁴ Vîndî îo, Ngai-Mûnene nîakaarûngama îgûrû kîrîmarî Kîam mîtî ya mîtamaiyû kîrîa kîrî na mwena wa îrathîro wa îtûûra rîa Jerusalemu. Kîrîma kîu nîgîkagaanua maita maîrî kuuma mwena wa îthûîro nî Kîamnda kînene. Nuthu îmwe îkathiî mwena wa rûgûrû, na nuthu îo îngî mwena wa îveti.

⁵ Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

⁶ Kavinda kau gakinya gûtikethîrwa kûrî na mvevo kana mbaa.

⁷ Gûkethagîrwa vîndî cionthe kûrî na ûtheri ta wa mûthenya (vîndî îo nî Ngai-Mûnene wenga wicî). Gûtikethîrwa na ûtukû kana mûthenya, nîûndû wana ûtukû gûkethagîrwa na ûtheri.

⁸ Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

⁹ Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

¹⁰ Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

¹¹ Andû nîmagaatûûra Jerusalemu nîûndû gûtigaacoka kûgîa mûthiro rîngî, gûkethîrwa kûrî na thayû.

¹² Ngai-Mûnene nîagaatûma ndûrîrî irîa ciarûire na Jerusalemu igwatwe nî mûrimû mûcûku. Mîîrî yao nîîkora, na metho mao na nîmî ciao ciore marî mwoyo.

¹³ Vîndî îo Ngai-Mûnene nîagaatûma andû magwatwe nî guoya mûnene mûno. Wa mûndû nîakaanyita mûndû ûrîa wîngî njara na marûe o ene.

¹⁴ Juda wana yo nîîkarûa na Jerusalemu. Na ûtonga mwîngî wa ndûrîrî cionthe irîa ithiûrûrûkîrîtie Jerusalemu wa thaavu, sîlûva, na nguo nîûkaaûnganua.

¹⁵ Mûrimû mûcûku ta ûrîa wagwatire andû nîûkaagwata mbarathi, nyûmbû, ngamîîra, mvunda na nyamû ciao cionthe irîa ikethîrwa irî kûrîa nthû ciao ciambîte magema.

¹⁶ Nao andû arîa magaatigara marî mwoyo a ndûrîrî irîa ciarûire na Jerusalemu nîikaathiîcaga mwaka wa mwaka kûgooca Ngai-Mûnene mwene vinya wonthe ûrîa mûthamaki, na gûkûngûîra kîrugo gîa tûnyomba.

¹⁷ Na kûngîkethîrwa kûrî na rûrîrî rûkaarega kûthiî Jerusalemu kûgooca Ngai-Mûnene mwene vinya wonthe ûrîa mûthamaki, vûrûri wao nîûgaatura mbura.

¹⁸ Ethîrwa andû a Misiri nîmakaarega kûthiî gûkûngûîra kîrugo kîu Kîam tûnyomba, nîakaamaretithîria mûrimû ta ûrîa aaretithîrie ndûrîrî irîa ciaregire kûthiî gûkûngûîra kîrugo kîu.

¹⁹ Rîu nîrîo îvera rîrîa rîkaaverithua andû a Misiri, na rîa kûverithia ndûrîrî cionthe irîa ikaarega kûthiî gûkûngûîra kîrugo gîa tûnyomba.

²⁰ Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.

²¹ Nyûngû cionthe cia kûruga irîa irî Jerusalemu na Juda ikethîrwa irî nyamûrîre Ngai-Mûnene mwene vinya wonthe. Andû onthe arîa magaaûka kûruta magongoona nîmagooca nyûngû imwe na nîmakaaruga nacio. Kavinda kau gûtigaacoka kwonwa andû arîa magûraga na makendia indo rîngî hekarûrî ya Ngai-Mûnene.