Thaburi 6 - ÎVUKU RÎA ÛVORO MWARO

Îvoya rîa gwîtia ûtethio vîndî ya thîna

¹ Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

² Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

³ Nîrî na thîna nyîngî mûno ngororî. Ûûi Ngai-Mûnene, nî mbeterera ûtethio waku nginya rî?

⁴ Ûi Ngai-Mûnene, ûka ûndethie, mvonokia nîûndû wa wendo waku ûtathiraga.

⁵ Kwa arîa akuû gûtirî mûndû ûngîkûririkana; nû ûngîgûkumia arî kwa arîa akuû?

⁶ Kîeva kîrîa nîrî nakîo nî gîtûmîte nthirwe nî vinya, ûtukû wonthe ûrîrî wakwa wîcûragwa nî methori; varîa mbigagîrîra kîongo nîvaconjaga na methori.

⁷ Metho makwa nî maimbu nîûndû wa kûrîra, nî mathiru vinya nîûndû wa nthû ciakwa cionthe.

⁸ Nthengutîrani, mue andû arîa mekaga maûndû macûku! Nîûndû Ngai-Mûnene nîeguîte kîrîro gîakwa.

⁹ Ngai-Mûnene nîeguîte mathaithana makwa, na nîagûcokia mavoya makwa.

¹⁰ Nthû ciakwa cionthe nîigaaconoka na igîe na thîna mûno, Ngai nîakaamaconorithia na amengate wa rîmwe.