Thaburi 4 - ÎVUKU RÎA ÛVORO MWARO

Îvoya rîa kîvwaî rîa gwîtia ûtethio kûrî Ngai

¹ Ngai-Mûnene mbîtîkaga rîrîa ngûkûvoya, we, nîwe ûngitagîra! Rîrîa naarî thînarî, we nîwandethirie; mbîguîra ntha na ûthikîrîrie îvoya rîakwa.

² Mue andû aya, nîmûtûûra mûnyararîte nginya rî? Nîmûtûûra mwendete maûndû matarî vata nginya rî mûkîaragia maveeni?

³ Menyani atî Ngai-Mûnene nîethuurîrîte andû ake arîa atheru, na nîambîgucaga rîrîa namwîta.

⁴ Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

⁵ Rutagîrani Ngai-Mûnene magongoona marîa magîrîrîte, na mûmwîtîkie.

⁶ Andû eengî mavoyaga makiugaga atîrî, “Ngai-Mûnene, tûtethie nîguo maûndû metû mavue, na ûtwîguîre ntha!”

⁷ Nî ûmvete gîkeno kînene ngororî, gûkîra Kîam arîa marî na ngano na ndivei nyîngî.

⁸ Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.