Thaburi 3 - ÎVUKU RÎA ÛVORO MWARO

Îvoya rîa kîraûko rîa gwîtia ûtethio wa Ngai

¹ We Ngai-Mûnene, nthû ciakwa nî nyîngî mûno, nî andû eengî mûno arîa mamenete!

² Maragia ûvoro wakwa makiugaga atîrî, “Ngai tîamûtethia.”

³ Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

⁴ Ngayagîra Ngai-Mûnene nîguo andethie, na nîambîgucaga arî Zayuni, kîrîmarî gîake kîtheru.

⁵ Mamaga ûrîrî na ngagwatwa nî toro, ngacoka gûkîra kîraûko nîûndû Ngai-Mûnene nîangitagîra.

⁶ Ndiretigîra andû ngiri makûmi meengî, arîa mandigicîrie mîena yonthe.

⁷ Ngai-Mûnene, Ngai wakwa, ûka ûmvonokie! Nîunangîte nthû ciakwa cionthe nthîa, na ûgatiga wakûûra andû arîa aganu magego.

⁸ Ûvootani umaga kûrî Ngai-Mûnene; irathimo ciake irogîa kûrî andû aku.