Thaburi 1 - ÎVUKU RÎA ÛVORO MWARO

ÎVUKU RÎA MBERE Tha 1—41 Gîkeno kîa ma

¹ Kûrathimwa nî mûndû ûrîa ûreganaga na mataaro ma andû arîa aganu, ûrîa ûtarûmagîrîra njîra cia andû arîa evia, kana ekarania na andû arîa manyararaga ûvoro wa Ngai.

² Vandû va ûguo, nîakenaga nî watho wa Ngai-Mûnene, na ageciria îgûrû rîa guo ûtukû na mûthenya.

³ Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

⁴ Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

⁵ Kwoguo andû arîa aganu nîmakaaverithua nî Ngai, na nîmakaamûranua na andû arîa athingu.

⁶ Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.