Nthi 18 - ÎVUKU RÎA ÛVORO MWARO

¹ Mûndû ûrîa wîciragia wa maûndû make nî eyamûranagia na andû arîa engî; na nîareganaga na ûrîa wonthe andû arîa engî matuîte.

² Mûndû mûritu ndendaga kûmenya ûndû, nwatî ke endaga tu wa kwonania ûrîa arî mûûgî.

³ Rîrîa waganu wambîrîria kûrî mûndû, nîanyararagwa, na gûtura gîtîîo kûretaga gîconoko.

⁴ Ciugo cia mûndû mûûgî nwa ituîke manjî ma mwoyo, ûûgî nîta karûnjî karîa katherûkaga manjî.

⁵ Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

⁶ Mîario ya kîrimû îretaga ngucanio, na nîîretage thîna.

⁷ Kîrimû gîîcûkangagia na mîario yakîo kîo kîene, kîînyitithagia na mîario yakîo kîo kîene.

⁸ Ciugo cia mûndû wa ngutû nîta irio irî na mûcamo mwaro, imerûkaga waro igatonya îvu ndaarî.

⁹ Mûndû ûrîa kîgûûta nwata ûrîa ûcûkangagia indo.

¹⁰ Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

¹¹ Itonga ciîciragia atî igitagîrwa nî ûtonga wa cio, ta nthingo ndaca cia vinya ithiûrûrûkîrîtie îtûûra.

¹² Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

¹³ Gûcokia kîûria ûtambîte kûthikîrîria, nî ûndû ûrî nthoni na gîconoko.

¹⁴ Mwîrîgîrîro wa gûtûûra mwoyo nîûtûmaga mûndû eyûmîrîrie rîrîa arî mûrwaru, nwatî mwîrîgîrîro ûngîthira gûtirî mûndû ûngîvota kwîyûmîrîria.

¹⁵ Mûndû mûûgî nîeriragîria kûmenya maûndû, na matû ma mûndû mûûgî nîmegucaga ûmenyo.

¹⁶ Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

¹⁷ Mûndû ûrîa ûciiraga wenga ndavootagwa, nginya rîrîa akaambîrîria kûûrua ciûria nî mûmûthitangi.

¹⁸ Gwikia mîtî nî kûthiragia ngarari ciirarî, nî gûtuithanagia ciira gatagatî ka andû aîrî magîkararania na vinya.

¹⁹ Rîrîa watethia mûrwanyûkwe wîkaraga ta îtûûra rîrî na vinya, nwatî ngarari itigithanagia andû ta ivingo cia vandû varîa vagitîre.

²⁰ Mîario ya mûndû nîyo îtûmaga mûndû avae, maûndû marîa mûndû aragia nîmo matûmaga eganîre.

²¹ Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.

²² Mûndû agîte na mûka nîagîcaga na kîndû Kîamro; na Ngai-Mûnene nîakenagua nîke.

²³ Mûthîni avoyaga kîndû na wînyivia, nwatî gîtonga gîcokagia na rûtûrîko.

²⁴ Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.