Nthi 11 - ÎVUKU RÎA ÛVORO MWARO

¹ Ngai-Mûnene nîathûrîte andû arîa matûmagîra kîthimi Kîam maveeni, nwatî nîakenagua nî kîthimi kîrîa Kîamgîrîru.

² Mwîtîîo nîûnyararithagia mûndû, nwatî mûndû mwînyivia nîagîcaga ûûgî.

³ Andû arîa athingu matongoragua nî mîthiîre mîkinyanîru, nwatî arîa evia macûkangagua nîûndû wa waganu wao.

⁴ Ûtonga ndûgunaga mûndû mûthenya wa îtuîro, mwatî ûthingu nîûvonokagia mûndû kuuma kûrî gîkuû.

⁵ Ûthingu nîûtûmaga mûndû agîe na mûtûûrîre mwaro, nwatî mûndû mwaganu agwîthagua nî waganu wake.

⁶ Ûthingu nîûvonokagia andû arîa evokeku, nwatî andû evia magatagwa nî ûkoroku wao o ene.

⁷ Rîrîa mûndû mwaganu akua, kîîrîgîrîro gîake nîkîthiraga, na mwîvoko wa ûtonga ûtuîkaga wa mana.

⁸ Mûndû mûthingu nîavonokagua kuuma thînarî, na mûndû mwaganu akagwatwa nî thîna ûcio vandûrî vake.

⁹ Mûndû ûrîa ûtetigagîra Ngai acûkangagia andû arîa engî na mîario yake, nwatî mûndû mûthingu avonokagua nî ûûgî wake.

¹⁰ Rîrîa andû arîa athingu matûûrîte waro nî kûgîcaga na gîkeno îtûûrarî, na rîrîa andû arîa aganu mathira îtûûrarî, nî riugagîrîria rîkenete.

¹¹ Îtûûra nîrîtuîkaga rîa vata nîûndû wa irathimo cia andû arîa athingu, nwatî mîario ya andû arîa aganu nîîtûmaga îtûûra rîcûke.

¹² Mûndû ûrîa ûnyararaga andû arîa engî nî kîrimû, nwatî mûndû ûrîa ûrî ûtaûku nî gûkira akiraga.

¹³ Mûndû wa ngutû nîaumbûraga nthitho, nwatî mûndû mwîvokeku nîathithaga nthitho.

¹⁴ Vûrûri ûtarî na mûtongoria mûûgî nîkwa ûcûkangaga, nwatî kûrîa kûrî ataarani eengî kûrî ûgitîri.

¹⁵ Mûndû ûrîa wîranagîra kûrîva thirî wa mûgeni nîacokaga kwîrira, nwatî mûndû ûrîa ûregaga kûrûngamîrîra thirî wa mûgeni ethagîrwa arî na thayû.

¹⁶ Mûndûmûka mûtugi nîavecagwa gîtîîo, na mûndûmûrûme mûvinyaru nîagîcaga na ûtonga.

¹⁷ Mûndû ûrîa ûrî ntha nîagunîkaga ke mwene, nwatî mûndû ûrîa mwaganu ecûkangagia ke mwene.

¹⁸ Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

¹⁹ Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

²⁰ Ngai-Mûnene nîathûrîte andû arîa meciragia maûndû ma kûvîtithia andû, nwatî nîakenagua nî arîa mekaga maûndû marîa magîrîru.

²¹ Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

²² Mûndûmûka mûthaka ûtarî na mîtugo mîaro nîta gîcûvî Kîam thaavu gîkîrîtwe îniûrûrî rîa ngûrwe.

²³ Merirîria ma mûndû mûthingu marîkagîrîria na ûndû mwaro; nwatî kîîrîgîrîro Kîam mûndû mwaganu kîrigagîrîria na marakara.

²⁴ Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

²⁵ Mûndû mûtaana nîarathimagwa, nake mûndû ûrîa ûvecanaga wanake nîavecagwa.

²⁶ Andû nîmarumaga mwendia ûrîa ûthithaga irio, nwatî nîmarathimithagia mûndû ûrîa ûciendagia.

²⁷ Mûndû ûrîa ûcaragia maûndû marîa maro na kinyi nîatîîagwa, nwatî mûndû ûrîa ûcaragia thîna, nîamîonaga.

²⁸ Mûndû ûrîa wîvokaga ûtonga wake agûcaga ta îthangû vîndî ya riûa, nwatî mûndû ûrîa mûthingu ekaraga ta îthangû vîndî ya mbura.

²⁹ Mûndû ûrîa ûnyamaragia mûciî wake ndakaagaa kîndû, nakîo kîrimû gîgaatuîka ndungata ya mûndû ûrîa mûûgî.

³⁰ Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

³¹ Ethîrwa andû arîa athingu marîvagwa marî gûkû nthî, nama, andû arîa aganu na evia nîmakaaverithua.