Ntha 36 - ÎVUKU RÎA ÛVORO MWARO

¹ “Bezaleli, Oholiabu na aruti wîra acio engî onthe arîa Ngai-Mûnene aaveete wara, ûûgî wa kûmenya kûruta mawîra monthe ma gûtuma îgema rîa Ngai-Mûnene, makaaruta wîra ûcio kûringana na ûrîa Ngai-Mûnene aathanîte.”

Andû nîmaarutire indo nyîngî

² Musa nîwetire Bezaleli, Oholiabu na andû onthe arîa maarî na wara na maavotithîtue nî Ngai-Mûnene, na maarî na wendi wa gûtethia na akîmeera mambîrîrie kûruta wîra.

³ Musa nîwamanengerire indo cionthe irîa ciarutîtwe nî andû a Isiraeli nîûndû wa gûtuma îgema rîtheru. Nwatî andû a Isiraeli nîmaathiîre na mbere kûvirîra Musa indo kîraûko wa kîraûko.

⁴ Nao andû arîa maarî wara na maatumaga îgema nîmaathiîre kûrî

⁵ Musa na makîmwîra atîrî, “Andû nîmarareta indo nyîngî gûkîra irîa îvataranîtie nîûndû wa wîra ûrîa Ngai-Mûnene aathanire ûrutwe.”

⁶ Kwoguo Musa nîwathanire na akiuga atî andû onthe arîa maarî kûu maambîte magema merwe matikarete indo ciîngî nîûndû wa gûtuma îgema îtheru. Kwoguo andû nîmaatigire kûreta indo ciîngî.

⁷ Indo irîa ciaretetwe ciarî mbîganu cia kûruta wîra na igatigara.

Gûtuma îgema rîa Ngai-Mûnene

⁸ Andû arîa maarî na wara mwîngî gûkîra arîa engî nîo maarutaga wîra wa gûtuma îgema rîa Ngai-Mûnene. Maarîtumire na itambaa îkûmi cia nguo mbaro itumîtwe na ndigi cia rangi wa vururu, njambarawe, na cia rangi ndune na igemetue na akerubi.

⁹ Itambaa cionthe nîcieganene. Wa gîtambaa Kîamrî na ûraca wa mita îkûmi na igîrî na wariî wa mita igîrî.

¹⁰ Nîmaatumithanirie itambaa ithano vamwe na magîtumithania icio ciîngî ithano vamwe.

¹¹ Nîmaarûthire ivûrûrîro cia tûtamî twa rangi wa vururu mwena wa nja wa mîthiia ya gîtambaa Kîam nja Kîam irîa itumithanîtue vamwe na magîka wa guo itambaarî irîa ciîngî itumithanîtue vamwe.

¹² Nîmeekîrire ivûrûrîro mîrongo îtano itambaarî cia mbere irîa ciatumithanîtue vamwe na magîkîra ivûrûrîro mîrongo îtano ciîngî gîtambaarî Kîam mûthiia Kîam irîa ciatumithanîtue vamwe cia kaîrî. Ivûrûrîro icio nîciathimanîte.

¹³ Nîmaacokire makîrûtha icûvî mîrongo îtano cia thaavu cia kûnyitithania icunjî icio cioîrî nîguo ituîke kîndû kîmwe.

¹⁴ Nîmaacokire makîrûtha gîkunîko Kîam îgema na icunjî îkûmi na kîmwe cia itambaa. Icunjî icio îkûmi na kîmwe ciatumîtwe na guoya wa mbûri.

¹⁵ Icunjî icio cionthe cia itambaa nî cieganene, na ciarî na ûraca wa mita îkûmi na ithano na wariî wa mita igîrî.

¹⁶ Nîmaatumithanirie itambaa ithano vamwe na magîtumithania itambaa icio ciîngî ithathatû vamwe.

¹⁷ Nîmeekîrire ivûrûrîro mîrongo îtano mûthiiarî wa gîtambaa Kîam gîcunjî kîmwe na ivûrûrîro mîrongo îtano mûthiiarî wa gîtambaa gîa gîcunjî kîu kîngî.

¹⁸ Nîmaarûthire icûvî mîrongo îtano cia gîcango cia kûnyitithania icunjî icio igîrî nîguo ithondeke gîkunîko kîmwe.

¹⁹ Nîmaacokire makîrûtha ikunîko ciîngî igîrî, kîmwe Kîam rûûo rwa ng'ondu rûrindîtwe rangirî ndune na kîu kîngî Kîam rûûo rûtanduke kîrî Kîam gûkunîkîra mwena wa nja.

²⁰ Nîmaarûthire mbaû cia kûrûngamia îgema cia mûtî mûgaa.

²¹ Wa rûvaû rwarî na ûraca na îgûrû wa mita inya na wariî wa cendimita mîrongo îtandatû na ithathatû.

²² Wa rûvaû rwîthîrwe na tûcunjî twîrî twîganene tumîrîte, nîguo mbaû icio cia kûrûngamia îgema inyitithanue natuo. Mbaû cionthe cia kûrûngama ciarî na tûcunjî tûu.

²³ Nîmaarûthire mbaû mîrongo îîrî cia kûrûngamia îgema cia mwena wa îveti

²⁴ na itina mîrongo îna cia sîlûva cia gwîkîrwa rungu rwa mbaû icio. Itina igîrî igekagîrwa rungu rwa mbaû îmwe nîguo inyitîrîre mîthiia îrîa îîrî yumîrîte.

²⁵ Nîmaarûthire mbaû mîrongo îîrî cia kûrûngamia îgema cia mwena wa rûgûrû,

²⁶ na itina mîrongo îna cia sîlûva cia gwîkîrwa rungu rwa mbaû icio. Itina igîrî igeekîrwa rungu rwa rûvaû rûmwe nacio icio ciîngî igîrî rungu rwa rûvaû rûu rwîngî.

²⁷ Vuva wa îgema na mwena wa îthûîro nîmaarûthire mbaû cia kûrûngamia îgema ithathatû,

²⁸ na mbaû igîrî cia konarî.

²⁹ Mbaû icio cia gwîkîrwa konarî cianyitithanîtue vamwe cioîrî kuuma nthî nginya îgûrû na ikanyitithanîrua îgûrû na gîcûvî gîa cuuma. Ûguo nîguo mbaû igîrî cia kûrûngamia îgema irîa ciarî cia kona ciarûthîtwe.

³⁰ Kwoguo kwarî na mbaû cia kûrûngamia îgema inyanya na itina îkûmi na ithathatû cia sîlûva. Wa rûvaû rwarî na itina igîrî rungu rîa ruo.

³¹ Nîmaarûthire mîkîgo îkûmi na îtano ya mîtî ya mîgaa: îtano ya kûnyitîrîra mbaû cia kûrûngamia îgema mwena ûmwe,

³² îtano ya mwena ûcio wîngî, na îtano ya mbaû cia kûrûngamia îgema mwena wa vuva mwenarî wa îthûîro.

³³ Nîmaarûthire mûkîgo wa gatagatî ûkîranîtie îgema kuuma mwena ûmwe kûthiî ûcio wîngî ûrî nuthu ya mbaû cia kûrûngamia îgema.

³⁴ Nîmaavakire mbaû cia kûrûngamia îgema thaavu na makîinyitithania vamwe na mîkîgo na icûvî cia thaavu. Mîkîgo îo wa nayo nîyavakirwe thaavu.

³⁵ Nîmaarûthire gîtambaa Kîam nguo mbaro gîatumîtwe na ndigi cia rangi wa vururu, njambarawe, na rangi ndune na gîkagemua waro na akerubi.

³⁶ Nîmaarûthire itugî inya cia mûtî wa mûgaa cia kûnyitîrîra gîtambaa, na nîmaaivakire thaavu na magîciîkîra icûvî cia thaavu. Nîmaacokire makîrûtha itina inya cia sîlûva cia kûnyitîrîra itugî.

³⁷ Nîmaatumire gîtambaa Kîam mûromo wa îgema na nguo mbaro îtumîtwe na ndigi cia rangi wa vururu, njambarawe na cia rangi ndune na gîkagemua waro,

³⁸ na magîkîrûthîra itugî ithano na magîciîkîra icûvî. Nacio ciongo cia itugî icio na tûmîtî twa kûinyitîrîra tûkîvakwa thaavu, na nîmaarûthire itina ithano cia gîcango nîûndû wa itugî.