Ntha 29 - ÎVUKU RÎA ÛVORO MWARO

Kwamûrwa kwa Aroni na avîcî ake matuîke Athînjîri-Ngai

¹ “Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

² Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

³ Ûgeekîra mîgate îo gîkavurî na ûkaareta îrî matega vîndî îrîa ûkaaruta îgongoona rîa karegwa na ndûrûme icio igîrî.

⁴ “Ûcoke ûrete Aroni na avîcî ake mûromorî wa îgema rîa Ngai-Mûnene na ûmeere methambie na manjî.

⁵ Îkîra Aroni nguo cia ûthînjîri-Ngai. Ûmwîkîre nguo îrîa ndaca, na kanjû îrîa îngî ndaca îkagîrwa rungu rwa efodi, na ûmwîkîre efodi, nguo ya kîthûri na mûcivi.

⁶ Ûmwîkîre kîremba kîongo na ûmwîkîre kavengere karîa karî na rûûri kandîkîtwe ‘Amûrîrîtwe Ngai-Mûnene’.

⁷ Ûcoke woce maguta ma kwamûrana na ûmwîtîrîrie mo kîongorî gîake na ûmwamûre.

⁸ “Ûgaacoka ûrete avîcî a Aroni na ûmekîre nguo ndaca,

⁹ na ûmove mîcivi ciûnorî na ûmekîre ngovia ciongo. Ûguo nîguo ûkaamûra Aroni na avîcî ake matuîke athînjîri-Ngai. Nao vamwe na njiarwa ciao nîmakaandungatagîra marî athînjîri-Ngai tene na tene.

¹⁰ “Ûkaareta ndegwa mbere ya îgema rîa Ngai-Mûnene. Nake Aroni na avîcî ake nîmakaaigîrîra njara ciao îgûrû rîa kîongo Kîamyo.

¹¹ Ûkaathînja ndegwa îo mûrî mbere yakwa mûromorî wa îgema rîa Ngai-Mûnene.

¹² Ûgaatûmîra Kîamra gîaku kûvaka nthakame ya ndegwa îo mîthiiarî îrîa îna yumîrîte ta mvîa ya metha ya kîgongoona. Nayo nthakame îrîa îgaatigara ûkaamîtûrûra gîtinarî Kîam metha ya kîgongoona.

¹³ Ûgaacoka woce maguta marîa makunîkîrîte nyama cia îvu, na gîcunjî kîrîa Kîamro Kîam îtema, mbigo cioîrî na maguta marîa mairigicîrîtie na ûivîvîrie îgûrû rîa metha ya kîgongoona irî matega makwa.

¹⁴ Nwatî ûkaavîvîria nyama cia ndegwa, rûo rwayo, na tatha na kûu nja ya kûrîa andû matûûraga. Rîu nî îtega rîa kûtheria mevia ma athînjîri-Ngai.

¹⁵ “Ûgooca îmwe ya ndûrûme na wîre Aroni na avîcî ake maigîrîre njara ciao kîongorî Kîamyo.

¹⁶ Ûkaamîûraga na wîtûrûre nthakame yayo mîena yonthe îna ya metha ya kîgongoona.

¹⁷ Ûgaatinangia ndûrûme îo icunjî, na ûkaathambia nyama cia îvu na mathagiro ma yo, na ûcigîrîre îgûrû rîa kîongo Kîam ndûrûme îo.

¹⁸ Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

¹⁹ “Ûgaacoka woce ndûrûme îo îngî, nake Aroni na avîcî ake maigîrîre njara ciao kîongorî Kîamyo.

²⁰ Ûkaamîûraga, na woce nthakame îmwe yayo na ûmîvake rûrengorî rwa gûtû kwa ûrîo kwa Aroni, Kîamra kîrîa kînene Kîam njara yake ya ûrîo, na Kîamra kîrîa kînene gîa kûgûrû gwake kwa ûrîo. Ûgeka wa ûguo kûrî avîcî a Aroni. Nthakame îrîa îgaatigara ûkaamîtûrûra mîenarî yonthe ya metha ya kîgongoona.

²¹ Ûgaacoka woce nthakame îmwe kuuma metharî ya kîgongoona, na maguta ma kwamûrana na ûminjaminjîrie Aroni wana nguo ciake na ûcoke wîke wa guo kûrî avîcî ake na nguorî ciao. Ûguo nîguo Aroni, avîcî ake vamwe na nguo ciao makaamûrwa.

²² “Ûgaacoka ûtinie maguta ma ndûrûme, na maguta ma kînyanya, na maguta marîa marî nyamarî cia îvu, na gîcunjî kîrîa Kîamro Kîam îtema, na mbigo cioîrî na maguta marîa mairigicîrîtie, na Kîamû Kîam mwena wa ûrîo (nîûndû nî ndûrûme ya îgongoona rîa kwamûrana).

²³ Ûcoke woce wa mûthemba ûmwe wa mîgate îrî na maguta na wîngî ûtarî na maguta îrîa îtegeretwe Ngai-Mûnene kuuma gîkavurî.

²⁴ Wîkîre mîgate îo na nyama icio cionthe njararî cia Aroni na avîcî ake nîguo manyamûrîre cio irî kîveo Kîam mwanya.

²⁵ Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

²⁶ “Nîûgacoka woce nyama ya kîthûri ya ndûrûme îrîa ya îgongoona rîa kwamûra Aroni na ûndutîre yo îrî kîveo Kîam mwanya. Gîcunjî gîkî Kîam nyama nîkîo gîaku.

²⁷ “Rîrîa mûthînjîri-Ngai akwamûrwa, ngarutagîrwa nyama ya kîthûri na ya Kîamû kuuma kûrî ndûrûme ya îgongoona irî kîveo Kîam mwanya. Nyama icio nî cia Aroni na avîcî ake.

²⁸ Vîndî cionthe rîrîa andû a Isiraeli makûruta matega ma ngwatanîro, nyama ya kîthûri na ya Kîamû ikaarîcagwa nî Aroni na avîcî ake. Nyama icio nî iveo ciao kûrî Ngai-Mûnene.

²⁹ “Aroni akua, nguo ciake irîa ntheru nîikaanengerwa avîcî ake. Nao nîmagaaciîkîra makîamûrwa.

³⁰ Mûvîcî wa Aroni ûrîa ûgaatuîka mûthînjîri-Ngai vandûrî vake nîagekîra nguo icio îvinda rîa mîthenya mûgwanja rîrîa akethîrwa akîthiî gûtungata arî vandû varîa vatheru îgemarî rîa Ngai-Mûnene.

³¹ “Nîûgoca nyama cia ndûrûme ya kwamûrana, na ûitherûkîrie vandû varîa vatheru.

³² Nake Aroni na avîcî ake nîmakaarîa nyama cia ndûrûme wa vamwe na mîgate îrîa îrî gîkavurî marî mûromorî wa îgema rîa Ngai-Mûnene.

³³ Makaarîa indo irîa ciavûthîrirwe mamburarî ma kwoverwa mevia vîndî îrîa maamûragwa. Athînjîri-Ngai onga nîo magîrîrwe nî kûrîa indo icio nîûndû nî ntheru.

³⁴ Ethîrwa kûrî nyama kana mîgate îgaatigara îkinyie kîraûko Kîam mûthenya ûcio wîngî, ndîkarîwe. Kîrîa kîonthe gîgaatigara nîgîkaavîvua nîûndû nî kîtheru.

³⁵ “Ûkaamûra Aroni na avîcî ake îvinda rîa mîthenya mûgwanja, na wa mûthenya ûcokagîre wa ûguo nakwatha.

³⁶ Wa mûthenya nîûkaaruta ndegwa ya matega ma kûtheria mevia. Wana nîûkaaruta ndegwa ya kûtheria metha ya kîgongoona na ûmîtîrîrie maguta ûmîamûre nîguo îtuîke ntheru.

³⁷ Ûgeekaga ûguo mûthenya wa mûthenya îvinda rîa mîthenya mûgwanja. Nayo metha ya kîgongoona nîkaathera viû na mûndû wa wonthe kana kîndû wa kîonthe gîkaamîvutia nîgîgaatuîka kîtheru.

Matega ma wa mûthenya wa mûthenya

³⁸ “Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

³⁹ Ûkaarutaga ndûrûme îmwe kîraûko na îo îngî kîvwaî.

⁴⁰ Rutaga ndûrûme ya mbere vamwe na kilo îmwe ya mûtu ûrîa mûvinyu wa ngano ûtukanîtue na lita îmwe ya maguta maro ma ndamaiyû, na lita îmwe ya ndivei ya gwîtûrûrwa.

⁴¹ Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

⁴² Njiarwa ciaku cionthe ikaandutagîra matega mama ma kûvîvua mûromorî wa îgema rîa Ngai-Mûnene. Vau nîvo ngaatûngana na andû akwa na mbarie nawe.

⁴³ Nîngaatûngana na andû akwa a Isiraeli vau, na vinya wa riiri wakwa nîûgaatûma vandû vau vatuîke vatheru.

⁴⁴ Nîngaatûma îgema rîa Ngai-Mûnene rîtuîke îtheru wana metha ya kîgongoona îtuîke ntheru. Nîngaamûra Aroni na avîcî ake nîguo mandungatagîre marî athînjîri-Ngai.

⁴⁵ Nîngaatûûra gatagatîrî ka andû a Isiraeli na nduîke Ngai wao.

⁴⁶ Nao nîmakaamenya atî nînie Ngai-Mûnene, Ngai wao, ûrîa wamarutire vûrûri wa Misiri nîguo ngaatûûra gatagatîrî kao. Nie nînie Ngai-Mûnene, Ngai wao.”