Ntha 16 - ÎVUKU RÎA ÛVORO MWARO

Maana kuuma îgûrû

¹ Andû onthe a Isiraeli nîmaaumire Elimu. Na mûthenya wa îkûmi na îtano wa mweri wa kaîrî kuuma mauma Misiri, nîmaakinyire werûrî wa Sini ûrîa ûrî gatagatî ka Elimu na Sinai.

² Na andû onthe a Isiraeli marî kûu werûrî nîmaatetirie Musa na Aroni

³ na makîmeera atîrî, “Nî kava Ngai-Mûnene angîatûûragîre Misiri, nîûndû kûu nîtwekaraga nthî tûkarîa nyama na irio cionthe irîa twendaga. Nwatî mwatûretire gûkû werûrî nîguo tuonthe tûkuîre kuo nî yûra.”

⁴ Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

⁵ Nwatî mûthenya wa gatandatû, wa mûndû akaaûnganagia maita maîrî ma irîa aûnganagia wa mûthenya na aivaarîrie.”

⁶ Kwoguo Musa na Aroni nîmeerire andû onthe a Isiraeli atîrî, “Ûmûnthî kîvwaî nîrîo mûkaamenya atî Ngai-Mûnene nîke wamûrutire vûrûri wa Misiri.

⁷ Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

⁸ Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

⁹ Musa nîwerire Aroni atîrî, “Îra andû onthe a Isiraeli maûke vakuvî na Ngai-Mûnene nîûndû ke nîwîguîte mateta mao.”

¹⁰ Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

¹¹ Ngai-Mûnene nîwerire Musa atîrî,

¹² “Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

¹³ Na kîvwaî Kîam mûthenya ûcio nîgwaûkire gîkundi kînene gîa tûconi twîtagwa tûthirimûkû na tûgîcûra vau maambîte magema mao. Na kîraûko kwarî na îme rîrigicîrîtie vau maambîte magema.

¹⁴ Vîndî îrîa îme rîanyaarire, kûu werûrî nîgwatigirwe kûrî na kîndû Kîamrî gîceke ta karatathi na gîekariî ta mbaa.

¹⁵ Rîrîa andû a Isiraeli maakîonire nîmaaûranirie o ene atîrî, “Nîndûî gîkî?” Musa nîwamacokerie atîrî, “Ino nî irio îrîa Ngai-Mûnene amûveete mûrîe.

¹⁶ Ngai-Mûnene augîte atî wa mûndû nîaûnganagie ciîgana wata ûrîa angîvatara kûringana na ûrîa wa mûciî ûrî na andû megana. Wa mûndû akaarîcaga kilo igîrî.”

¹⁷ Nao andû a Isiraeli nîmeekire wata ûrîa meerirwe. Amwe nîmaaûnganirie nyîngî, nao engî makîûngania nini.

¹⁸ Nwatî rîrîa ciathimirwe, arîa maaûnganîtie nyîngî matiarî na nyîngî makîria, nao arîa maûnganîtie nini matiarî na nini makîria. Wa mûndû aaûnganîtie kûringana na ûrîa aavataraga.

¹⁹ Musa nîwacokire akîmeera atîrî, “Mûndû wana ûrîkû ndagatigarie maana nîûndû wa rûyû.”

²⁰ Nwatî andû amwe matiathikîrîria ûrîa Musa aameerire, kwoguo nîmaatigaririe. Nacio ciakinyia kîraûko Kîam mûthenya ûcio wîngî ciethîrirwe irî na igunyû na irî na mûnungo mûcûku, na Musa nîwarakarire nîo.

²¹ Vîndî cionthe kîraûko wa mûndû aaûnganagia kûringana na ûrîa aavataraga kûrîa. Vîndî îrîa riûa rîara na gûkîgîa ûrugarî nîciararûkaga.

²² Mûthenya wa gatandatû wa mûndû wa mûndû aaûnganagia maita maîrî ma irio cia kîthimo Kîam wa mûthenya. Nao atongoria onthe a andû a Isiraeli nîmaathiîre kûrî Musa na makîmwîra ûvoro ûcio.

²³ Nake Musa nîwamerire atîrî, “Ngai-Mûnene athanîte atî rûyû nî mûthenya mûtheru wa kûvurûka nîûndû wa gûkumia Ngai-Mûnene. Rugani kîrîa mûvatarîtue nîkîo ûmûnthî na kîrîa gîgûtigara nîkigwe nîûndû wa rûyû.”

²⁴ Kwoguo nîmeekire wata ûrîa Musa aamerire. Nacio irîa maaigire nginya mûthenya ûcio wîngî itianacûka kana igîa igunyû.

²⁵ Musa nîwerire andû atîrî, “Rîani maana ûmûnthî nîûndû ûyû nî mûthenya wa thavatû, mûthenya wa kûvurûka na wamûrîrîtwe Ngai-Mûnene. Ûmûnthî gûtirî maana mangîoneka na kûu nja ya kûrîa mwambîte magema.

²⁶ Mue mûkaaûnganagia maana mîthenya îtandatû. Nwatî mûthenya wa mûgwanja nî mûthenya wa kûvurûka na maana matikethagîrwa kuo.”

²⁷ Mûthenya wa mûgwanja andû amwe nîmaathiîre kûngania maana, nwatî matiamoona.

²⁸ Nake Ngai-Mûnene nîwerire Musa atîrî, “Nîmûtûûra mûregete kwathîkîra maathani na mawatho makwa nginya rî?

²⁹ Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

³⁰ Kwoguo andû nîmaavurûkire mûthenya wa mûgwanja.

³¹ Nao andû a Isiraeli nîmaavere irio icio rîîtwa magîciîta maana. Nacio ciekariî ta kavîndî kanini ka rangi mûcerû, na mûcamo wacio warî ta tûmîgate tûrugîtwe na ûûkî.

³² Nake Musa nîwaugire atîrî, “Ngai-Mûnene nîwathanîte twige maana mamwe nîguo njiarwa cietû cionage irio irîa aatûveere tûrîcage tûrî werûrî rîrîa aatûrutire vûrûri wa Misiri.”

³³ Kwoguo Musa nîwerire Aroni atîrî, “Oca nyûngû wîkîre maana kuo na ûmige varîa Ngai-Mûnene agoocagîrwa nîguo njiarwa cietû ikoonaga.”

³⁴ Wata ûrîa Musa aathîtwe nî Ngai-Mûnene, Aroni nîwaigire maana mau mbere ya îthandûkû rîa kîrîkanîro nîguo maigwe.

³⁵ Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

³⁶ (Kîthimi kîrîa maathimaga nakîo kîndû kîûmû vîndî îo Kîamrî ta lita mîrongo îîrî.)