Nehemia 7 - ÎVUKU RÎA ÛVORO MWARO

¹ Vuva wa kûrîkia gûtuma rûthingo na gwîkîra ivingo cionthe varîa ciagîrîrwe, arangîri a ivingo, aini a nyîmbo, na Alawi nîmaathuurirwe.

² Nînavere mûrwaiya, Hanani marî na Hanania, ûrîa warî mûnene wa vandû varîa vagitîre mûno wîra wa kûrûngamîrîra Jerusalemu. Hanania aarî mûndû warî mwîvokeku na wetigîrîte Ngai gûkîra andû eengî.

³ Nînameerire mîrango ya Jerusalemu ndîkavingûragwe kîraûko nginya riûa rîare, na îvingagwe na îgekîrwa mîkîgo mbere ya arangîri maumîra wîra riûa rîathûa. Nînameerire mathuure arangîri kuuma gatagatî ka andû arîa maatûûraga Jerusalemu. Amwe ao mamatue arangîri na marangagîre marî kûrîa kûthondeketwe na engî vakuvî na nyomba ciao.

Mûtaratara wa andû arîa maacokire kuuma îthamîriorî

⁴ Îtûûra înene rîa Jerusalemu rîarî rîariî na rînene, nwatî gûtiarî na andû eengî maatûûraga kuo, na gûtiarî gûtume nyomba nyîngî vîndî îo.

⁵ Ngai nîwacokire akîmvotithia kûgomanithia andû, atongoria vamwe na anene ao nîguo mandîkwe kûringana na njiarwa ciao. Nînoonire îvuku rîa njiarwa irîa ciaûkire kuuma îthamîriorî mbere, narîo rîandîkîtwe maûndû mama:

⁶ Aya nîo andû arîa maacokire kuuma îthamîriorî vûrûrirî wa Babuloni. Wa mûndû aacokire îtûûrarî rîake rîa Jerusalemu na Juda. Njiarwa ciao ciatûûraga îthamîriorî kûrîa ciathamithîrîtue nî Nebukadinezarû mûthamaki wa Babuloni.

⁷ Atongoria ao maarî Zerubabeli, Joshua, Nehemia, Azaria, Raamia, Nahamani, Moridekai, Bilishani, Misiperethi, Bigivai, Nehumu, na Baana.

⁸ Arûme a mîvîrîga ya Isiraeli, mûvîrîga wa mûvîrîga maarî ta û: Mbarî ya Paroshi maarî ngiri igîrî îgana rîmwe rîa mîrongo mûgwanja na aîrî (2,172).

⁹ Mbarî ya Shefatia maarî magana mathatû ma mîrongo mûgwanja na aîrî (372).

¹⁰ Mbarî ya Ara maarî magana matandatû ma mîrongo îtano na aîrî (652).

¹¹ Mbarî ya Pahathi Moabu (njiarwa cia Jeshua na Joabu) maarî ngiri igîrî magana manana ma îkûmi na anana (2,818).

¹² Mbarî ya Elamu maarî ngiri îmwe na magana maîrî ma mîrongo îtano na inya (1,254).

¹³ Mbarî ya maarî magana manana ma mîrongo îna na atano (845),

¹⁴ Mbarî ya Zakai maarî magana mûgwanja ma mîrongo îtandatû (760).

¹⁵ Mbarî ya Binui maarî magana matandatû ma mîrongo îna na anana (648).

¹⁶ Mbarî ya Bebai maarî magana matandatû ma mîrongo îîrî na anana (628).

¹⁷ Mbarî ya Azigadi maarî ngiri igîrî magana mathatû ma mîrongo îîrî na aîrî (2,322).

¹⁸ Mbarî ya Adonikamu maarî magana matandatû ma mîrongo îtandatû na mûgwanja (667).

¹⁹ Mbarî ya Bigivai maarî ngiri igîrî na mîrongo îtandatû na mûgwanja (2,067).

²⁰ Mbarî ya Adini maarî magana matandatû ma mîrongo îtano na atano (655).

²¹ Mbarî ya Ateri (na nîmeetagwa rîngî Hezekia) maarî andû mîrongo kenda na anana (98).

²² Mbarî ya Hashumu maarî andû magana mathatû ma mîrongo îîrî na anana (328).

²³ Mbarî ya Bezai maarî andû magana mathatû ma mîrongo îîrî na ana (324).

²⁴ Mbarî ya Harifu maarî îgana rîmwe rîa îkûmi na aîrî (112).

²⁵ Mbarî ya Gibeoni maarî andû mîrongo kenda na atano (95).

²⁶ Andû arîa methe mao ma tene maatûûraga matûûrarî mama marûmîrîrîte wa nao nîmaacokire kuuma îthamîriorî. Îtûûra rîa Bethilehemu na Netofa, andû îgana rîmwe rîa mîrongo înana na anana (188).

²⁷ Îtûûra rîa Anathothi, andû îgana rîmwe rîa mîrongo îîrî na anana (128).

²⁸ Îtûûra rîa Bethazimavethi, andû mîrongo îna na aîrî (42).

²⁹ Matûûra ma Kiriathi-jearimu, Kefira, na Be-erothi andû magana mûgwanja ma mîrongo îna na athatû (743).

³⁰ Îtûûra rîa Rama, na rîa Geba andû magana matandatû ma mîrongo îîrî na ûmwe (621).

³¹ Îtûûra rîa Mikimashi, andû îgana rîmwe rîa mîrongo îîrî na aîrî (122).

³² Îtûûra rîa Betheli na rîa Ai, andû îgana rîa mîrongo îîrî na athatû (123).

³³ Îtûûra rîa Nebo îo îngî, andû mîrongo îtano na aîrî (52).

³⁴ Îtûûra rîa Elamu îo îngî, andû ngiri îmwe na magana maîrî ma mîrongo îtano na ana (1,254).

³⁵ Îtûûra rîa Harimu, andû magana mathatû ma mîrongo îîrî (320).

³⁶ Îtûûra rîa Jeriko, andû magana mathatû ma mîrongo îna na atano (345).

³⁷ Matûûra ma Lodi, Hadidi, na rîa Ono, andû magana mûgwanja ma mîrongo îîrî na ûmwe (721).

³⁸ Îtûûra rîa Sena andû ngiri ithatû na magana kenda ma mîrongo îthatû (3,930).

³⁹ Ûyû nîguo mûtaratara wa mîvîrîga ya athînjîri-Ngai arîa maacokire kuuma îthamîriorî: Njiarwa cia Jedaia (mbarî ya Jeshua) andû magana kenda ma mîrongo mûgwanja na ithatû (973).

⁴⁰ Kuuma Imeri, andû ngiri na mîrongo îtano na aîrî (1,052).,

⁴¹ Kuuma Pashihuri, andû ngiri îmwe na magana maîrî ma mîrongo îna na mûgwanja (1,247).

⁴² Kuuma Harimu, andû îgana rîa îkûmi na mûgwanja (1,017).

⁴³ Alawi arîa maacokire kuuma îthamîriorî maarî: Avîcî a Jeshua arîa meetagwa rîngî Kadimieli mbarî ya Hodavia, andû mîrongo mûgwanja na ana (74).

⁴⁴ Aini a nyîmbo arîa maarî mbarî ya Asafu, andû îgana rîmwe rîa mîrongo îna na anana (148).

⁴⁵ Arangîri a ivingo maarî mbarî ya Shalumu, na cia Ateri, Talimoni, Akubu, Hatita, na cia Shobai. Onthe maarî andû îgana rîmwe rîa mîrongo îthatû na anana (138).

⁴⁶ Mîvîrîga ya andû arîa maarutaga wîra hekarûrî arîa maacokire kuuma îthamîriorî maarî: Mbarî ya Ziha, Hasufa, Tabaothi,

⁴⁷ mbarî ya Kerosi, Sia, Padoni,

⁴⁸ mbarî ya Lebana, Hagaba, Shalimai,

⁴⁹ mbarî ya Hanani, Gideli, Gahari,

⁵⁰ mbarî ya Reaia, Rezini, Nekoda,

⁵¹ mbarî ya Gazamu, Uza, Pasea,

⁵² mbarî ya Besai, Meunimu, Nefushesimu,

⁵³ mbarî ya Bakibuki, Hakufa, Harihuri,

⁵⁴ mbarî ya Bazilithu, Mehida, Harisha,

⁵⁵ mbarî ya Berikosi, Sisera, Tema,

⁵⁶ mbarî ya Nezia na njiarwa cia Hatifa.

⁵⁷ Mbarî ya ndungata cia Solomoni arîa maaumire îthamîriorî yarî: Mbarî ya Sotai, Soferethi, na Perida.

⁵⁸ Mbarî ya Jaala, Darikoni, Gideli.

⁵⁹ Mbarî ya Shefatia, Hatili, Pokerethi Hazebaimu, na ya Aamoni.

⁶⁰ Andû arîa onthe maarutaga wîra hekarûrî na avîcî a ndungata cia Solomoni arîa maaumire îthamîriorî maarî magana mathatû ma mîrongo kenda na aîrî (392).

⁶¹ Kwarî na andû engî magana matandatû ma mîrongo îna na aîrî (642) maaumîte matûûrarî ma Telimela, Teliharisha, Kerubu, Adoni, na îtûûrarî rîa Imeri. Nwatî matiavota kwonania kana maarî njiarwa cia Isiraeli.

⁶² Andû acio maarî mbarî ya Delaia, mbarî ya Tobia na mbarî ya Nekoda na maarî andû magana matandatû na mîrongo îna na aîrî (642).

⁶³ Nao athînjîri-Ngai avîcî a Habaia, Hakozi na Barizilai (Barizilai aavikîtie mwarî wa Barizilai ûrîa warî wa kuuma Gileadi na ageîtania na rîîtwa rîa mbarî ya mûthoniwe.)

⁶⁴ Nîmaacaririe marîîtwa mao mûtaratararî wa njiarwa cia andû ao nwatî mationeka. Kwoguo nîmaarutirwe gîkundirî Kîam athînjîri-Ngai na wîra wao wa ûthînjîri-Ngai ûgîtuîka tî mûtheru.

⁶⁵ Mûnene wa Ayahudi nîwamerîte atî matiagîrîrwe nî kûrîa irio irîa nyamûrîre Ngai, nginya rîrîa gûkoneka mûthînjîri-Ngai wa gûtûmîra Urimu na Thumimu.

⁶⁶ Andû onthe arîa maaumire îthamîriorî maarî andû ngiri mîrongo îna na igîrî na magana mathatû ma mîrongo îtandatû (42,360),

⁶⁷ tûtagûtara ndungata cia arûme na aka irîa ciarî ngiri mûgwanja na magana mathatû ma mîrongo îthatû na mûgwanja (7,337). Na maarî na aini a nyîmbo andû arûme na aka magana maîrî na mîrongo îna na atano (245).

⁶⁸ Mbarathi ciao ciarî, magana mûgwanja ma mîrongo îthatû na ithathatû (736), nyûmbû magana maîrî na mîrongo îna na ithano (245),

⁶⁹ Ngamîîra magana mana ma mîrongo îthatû na ithano (435), na mvunda ngiri ithathatû na magana mûgwanja na mîrongo îîrî (6,720).

⁷⁰ Atongoria amwe a mbarî nîmeevecanire nîûndû wa kûruta wîra. Mûnene wa Ayahudi aarutire indo cia mûthithû kilo inyanya cia thaavu. Mbakûri mîrongo îtano (50), nguo cia athînjîri-Ngai ciarî magana matano ma mîrongo îthatû (530).

⁷¹ Anene a mbarî amwe nîmaarutire indo cia mûthithû wa mwako kilo îgana rîmwe rîa mîrongo îtandatû na inyanya cia thaavu (168), kilo ngiri îmwe magana maîrî ma mîrongo îtano cia sîlûva (1,250).

⁷² Andû acio engî nîmaarutire kilo îgana rîmwe rîa mîrongo îtandatû na inyanya cia thaavu (168) na kilo îgana rîa mîrongo îna cia sîlûva (140), nguo cia athînjîri-Ngai mîrongo îtandatû na mûgwanja (67).

⁷³ Kwoguo athînjîri-Ngai, Alawi, arangîri a ivingo, aini a nyîmbo, na andû amwe, ndungata cia hekarû; andû onthe a Isiraeli nîmaatûûrire matûûrarî mao na matûûrarî manene ma Juda. Mweri wa mûgwanja ûgîkinya andû onthe a Isiraeli nîmaarîkîtie gûtûûra matûûrarî mao.