Nehemia 3 - ÎVUKU RÎA ÛVORO MWARO

Gûtumwa rîngî kwa rûthingo rwa Jerusalemu

¹ Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

² Nakîo gîcunjî kîrîa Kîamriganîtie na vau nîgîatumirwe nî andû a Jeriko. Nake Zakuri mûvîcî wa Imiri nîwatumire gîcunjî kîrîa Kîamriganîtie na kîrîa gîatumirwe nî andû a Jeriko.

³ Mbarî ya Hasenaa nîyatumire Kîvingo Kîam Nthamaki. Nîmaacokire magîtuma mbaû cia kûrûngamia kîvingo na magîkîra mîrango na irenji wana mîkîgo ya kûvinga kîvingo.

⁴ Gîcunjî kîrîa Kîamriganîtie na kîu nakîo gîatumirwe rîngî nî Meremothi mûvîcî wa Uria. Uria aarî mûvîcî wa Hakozi. Nake Meshulamu mûvîcî wa Berekia nîwatumire rîngî gîcunjî kîrîa Kîamriganîtie na kîu gîatumirwe nî Meremothi. Berekia aarî mûvîcî wa Meshezabeli. Zadoku mûvîcî wa Baana nîwatumire rîngî gîcunjî kîrîa Kîamriganîtie na kîrîa gîatumirwe nî Meshulamu.

⁵ Na arûme a Tekoa nîmaatumire rîngî gîcunjî kîrîa Kîamriganîtie na kîrîa gîatumirwe nî Zadoku. Nwatî atongoria ao matiaruta wîra ûrîa maavetwe nî mwathi wao.

⁶ Joiada mûvîcî wa Pasea na Meshulamu mûvîcî wa Besodeia nîmaatumire rîngî kîvingo kîrîa gîa tene. Nîmaacokire magîtuma mbaû cia kûrûngamia mûrango, na magîkîra mîrango, irenji ciaguo wana mîkîgo ya kûvinga kîvingo.

⁷ Melatia ûrîa waumîte Gibeoni, Jadoni ûrîa waumîte Meronothi, andû a Gibeoni na andû a Mizipa arîa maathagwa nî mûnene wa vûrûri ûrîa ûrî mwena wa îthûîro wa Rûnjî rwa Farati, nîmaatumire rîngî gîcunjî kîrîa Kîamriganîtie na kîu Kîam Joiada.

⁸ Nakîo gîcunjî kîrîa Kîamriganîtie na kîu nîgîatumirwe rîngî nî Uzieli, mûvîcî wa Harihaia ûrîa warî mûturi wa indo cia thaavu. Hanania ûrîa warî mûthondeki wa manyamû marîa maanungaga waro, nîwatumire rîngî gîcunjî kîrîa Kîamriganîtie na kîrîa gîatumirwe nî Uzieli. Andû acio maatumire Jerusalemu rîngî nginya varîa veetagwa Rûthingo Rwariî.

⁹ Ragaia mûvîcî wa Huri ûrîa wathaga nuthu ya vûrûri wa Jerusalemu, nîwatumire rîngî gîcunjî kîrîa Kîamriganîtie na kîrîa gîatumirwe nî Hanania.

¹⁰ Jedaia mûvîcî wa Harumafi nîwatumire rîngî gîcunjî kîrîa Kîamrî vakuvî na nyomba yake. Hatushi mûvîcî wa Hashabuneia nake agîtuma rîngî gîcunjî kîrîa Kîamriganîtie na kîu.

¹¹ Malikija mûvîcî wa Harimu marî na Hashubu mûvîcî wa Pahathi Moabu nîmaatumire rîngî gîcunjî kîngî, na magîtuma nyomba ndaca ya mariiko ma mwaki.

¹² Shalumu mûvîcî wa Haloheshi nîwatumire rîngî gîcunjî kîrîa Kîamriganîtie na kîrîa gîatumirwe nî Hashubu. Shalumu nîwatethagua nî aarî ake wîrarî wa gûtuma.

¹³ Hanuni na andû arîa maatûûraga îtûûrarî rînene rîa Zanoa nîmaatumire rîngî kîvingo kîrîa Kîamrî Kîamndarî. Nîmaagîkîre mîrango wana irenji cia kûvinga mîrango. Nîmaacokire magîtuma rûthingo rûu rîngî nginya kîvingorî kîrîa gîatecagwa gîko. Rûthingo rûu rwarî rwa mita magana mana ma mîrongo îna (440).

¹⁴ Malikija mûvîcî wa Rekabu, ûrîa wathaga vûrûri wa Bethi-hakeremu nîwatumire rîngî kîvingo kîrîa gîtecagwa gîko. Nîwekîrire mîrango ya kîvingo na agîkîra irenji na mîkîgo ya kûvinga mûrango ûcio.

¹⁵ Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

¹⁶ Nehemia mûvîcî wa Azibuki ûrîa wathaga nuthu ya vûrûri wa Bethizuri nîwatumire rîngî rûthingo varîa varoranîtie na mbîrîra ya Daudi, kariarî, nginya nyombarî ya arûme arîa maarî vinya.

Alawi arîa maatumire rûthingo

¹⁷ Aya marûmîrîrîte nî Alawi arîa maatumire rîngî icunjî nyîngî cia rûthingo. Rehumu mûvîcî wa Bani nîwatumire rîngî gîcunjî kîrîa Kîamriganîtie na kîrîa gîatumirwe nî Nehemia mûvîcî wa Azibuki. Hashabia ûrîa wathaga nuthu ya vûrûri wa Keila nîwatumire rîngî gîcunjî Kîam rûthingo vandûrî va vûrûri wake. Gîcunjî kîrîa aatumire rîngî Kîamriganîtie na kîrîa gîatumirwe nî Rehumu.

¹⁸ Bawai mûvîcî wa Henadadi, ûrîa wathaga nuthu îo îngî ya vûrûri wa Keila nîwatumire gîcunjî kîrîa Kîamrûmanîrîrîte na gîa Hashabia.

¹⁹ Nakîo gîcunjî kîrîa Kîamthingatîte kîu gîatumirwe rîngî nî Ezeri mûvîcî wa Jeshua. Gîcunjî kîu aatumire Kîamroranîtie na nyomba îrîa yaigagwa indo cia mbaara na Kîamthiîte nginya varîa rûthingo rweyunîrîte.

²⁰ Baruku mûvîcî wa Zabai nîwatumire rîngî gîcunjî kîu kîngî Kîam rûthingo varîa rweyunîrîte nginya mûromorî wa nyomba ya Eliashibu, Mûthînjîri-Ngai mûnene.

²¹ Meremothi mûvîcî wa Uria aatumire rîngî gîcunjî Kîam rûthingo kuuma mûromorî wa nyomba ya Eloashibu nginya mûthiia wa nyomba îo. Meremothi aarî mûcûkûrûwe wa Hakozi.

Athînjîri Ngai arîa maarutire wîra wa rûthingo

²² Nao aya marûmîrîrîte nî athînjîri Ngai arîa maatumire rîngî icunjî nyîngî cia rûthingo. Athînjîri Ngai acio maarî a kuuma kûndû kûrîa kwaraganu.

²³ Benjamini na Hashubu nîmaatumire rîngî gîcunjî Kîam rûthingo kîrîa Kîamrî mbere ya nyomba yao. Nake Azaria mûvîcî wa Maasea nîwatumire rîngî gîcunjî kîrîa Kîamrî mbere ya nyomba yake. Îthe wa Azaria aarî mûvîcî wa Anania.

²⁴ Binui mûvîcî wa Henadadi nîwatumire rîngî gîcunjî Kîam rûthingo rûu kuuma nyombarî ya Azaria nginya varîa rûthingo rweyunîrîte.

²⁵ Palali mûvîcî wa Uzai nîwatumire rîngî gîcunjî Kîam rûthingo kuuma varîa rûthingo rweyunîrîte na varîa nyombarî îrîa ndaca ya mûthamaki yaumîrîrîte na îgûrû. Nyomba îo yarî vakuvî na kûrîa arangîri meekaraga. Gîcunjî kîrîa Kîamrûmîrîrîte nakîo gîatumirwe nî Pedaia mûvîcî wa Paroshi.

²⁶ Nacio ndungata cia hekarû irîa ciatûûraga Ofeli nîciatumire rûthingo rîngî nginya vandû varîa vaaroranîtie na kîvingo Kîam manjî mwena wa îrathîro na nyombarî îrîa ndaca na îgûrû.

Andû engî arîa maatumire rûthingo

²⁷ Andû a Tekoa nîo maatumire rîngî gîcunjî kîrîa Kîamrî vakuvî na kîu gîatumirwe nî ndungata cia hekarû. Maatumire kuuma varîa rûthingo rûu rwaroranîtie na nyomba nene ndaca na îgûrû îrîa yarî ya kûrangîra hekarû nginya rûthingorî rwa Ofeli.

²⁸ Athînjîri-Ngai nao nîmaatumire rîngî gîcunjî kîu kîngî kuuma Kîvingorî Kîam Mbarathi ûthiîte na mwena wa rûgûrû. Wa mûthînjîri-Ngai aatumaga rûthingo gîcunjî kîrîa Kîamrî mbere ya nyomba yake.

²⁹ Zadoku mûvîcî wa Imeri aatumire rîngî gîcunjî Kîam rûthingo kîrîa Kîamrî mbere ya nyomba yake. Shemaia mûvîcî wa Shekania nîwatumire rîngî gîcunjî kîu kîngî. Shekania aarî mûrangîri wa Kîvingo Kîam Îrathîro.

³⁰ Hanania mûvîcî wa Shelemia na Hanuni nîmaatumire rîngî gîcunjî kîrîa Kîamrûmîrîrîte kîrîa gîatumirwe nî Shemaia kîrî gîa kaîrî. Hanuni aarî mûvîcî wa Zalafu wa gatandatû. Meshulamu mûvîcî wa Berekia nîwatumire rîngî gîcunjî kîu kîngî Kîamrî mbere ya nyomba yake.

³¹ Malikija ûrîa warî mûturi wa indo cia thaavu nîwatumire rîngî gîcunjî kîrîa Kîamrûmîrîrîte nginya nyombarî ya ndungata cia hekarû na nyombarî ya andû arîa marutaga wîra wa kûgûra na kwendia indo. Nyomba îo yaroranîtie na Kîvingo Kîam Mifikadi na kûthiî kanyombarî karîa karî îgûrû rîa rûthingo varîa rweyunîrîte.

³² Aturi a indo cia thaavu na andû arîa maagûraga na makendia indo nîmaatumire rîngî gîcunjî Kîam mûthiia kuuma varîa rûthingo rwa nyomba îgûrû rweyunîrîte nginya Kîvingorî Kîam Ng'ondu.